ବଲାଙ୍ଗିର, (କେପିଏନ୍ଏସ୍) : ରାଷ୍ଟ୍ରୀୟ ସ୍ୱୟଂସେବକ ସଂଘ ପକ୍ଷରୁ ଆଜି ଅପରାହ୍ନରେ ବଲାଙ୍ଗିର କଦମ୍ପଡ଼ା ସରସ୍ୱତୀ ଶିଶୁ ବିଦ୍ୟା ମନ୍ଦିରରୁ ଏକ ବିଶାଳ ରାଲି ବାହାରି କୋଶଳ କଳାମଣ୍ଡଳରେ ପହଂଚିଥିଲା । ୧୯୨୫ ମସିହା ବିଜୟା ଦଶମୀ ରାଷ୍ଟ୍ରୀୟ ସ୍ୱୟଂସେବକ ସଂଘର ପ୍ରତିଷ୍ଠା ଦିବସ ହୋଇଥିବା ବେଳେ ଏହି ଅବସରରେ ଆଜି ଏହି ରାଲିର ଆୟୋଜନ ହୋଇଥିବା କୁହାଯାଇଛି । ତେବେ ଏହି ରାଲିରେ ବଲାଙ୍ଗିର ଜିଲ୍ଲାର ବିଭିନ୍ନ ଅଂଚଳରୁ ଆର୍ଏସ୍ଏସ୍ର ବଳିଷ୍ଠ କର୍ମକର୍ତ୍ତାମାନେ ଯୋଗଦାନ କରିଛନ୍ତି । ଏହି ରାଲିରେ ଲୋଇସିଂହା ବିଧାୟକ ଡ.ମୁକେଶ ମହାଲିଙ୍ଗ ମଧ୍ୟ ଗଣବେଶରେ ଦଣ୍ଡ ଧାରଣ କରି ସାମିଲ୍ ଥିବା ଦେଖିବାକୁ ମିଳିଛି । ତେବେ କୋଶଳ କଳା ମଣ୍ଡଳରେ ଏକ ବୌଦ୍ଧିକ ସମାବେଶ ମଧ୍ୟ ଆୟୋଜିତ ହୋଇଥିବା ଜଣାପଡ଼ିଛି । ଆଜିର ଏକ କାର୍ଯ୍ୟକ୍ରମର ଲକ୍ଷ୍ୟ ହେଉଛି ସାରା ବିଶ୍ୱରେ ଭାରତ ବର୍ଷ ସ୍ୱୟଂ ସିଦ୍ଧି ପ୍ରାପ୍ତ ହେଉ, ଆତ୍ମନିର୍ଭର ହେଉ, ଆର୍ଥିକ ଦିଗରେ ବଳିଷ୍ଠତା ଅର୍ଜନ କରୁ ବୋଲି କୁହାଯାଇଛି ।