ଡୁଙ୍ଗୁରିପାଲି, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ହାଇସ୍କୁଲକୁ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ଼ା. ରାଧାକାନ୍ତ ଗଡତିଆ ପରିଦର୍ଶନ କରିଛନ୍ତି । ପ୍ରଧାନଶିକ୍ଷକ ରବିଚନ୍ଦ୍ର ପଶାୟତଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିବା ସ୍କୁଲ ହାଉସ ଫର୍ମେଶନ୍ ସଭାରେ ଡ଼ା ଗଡତିଆ ଛାତ୍ରଛାତ୍ରୀମାନଙ୍କୁ ଭଲ ପାଠ ଅଭ୍ୟାସ କରିବା ସହିତ ଫାଇଭ୍ ଟି ମାଧ୍ୟମରେ ଯୋଗାଇ ଦିଆଯାଉଥିବା ସ୍ମାର୍ଟ କ୍ଲାସରୁ ଶିକ୍ଷା ଗ୍ରହଣ, ଇ – ଲାଇବ୍ରେରୀ, ବିଜ୍ଞାନାଗାରର ସଦୁପଯୋଗ ଭଳି ବିଭିନ୍ନ ଆଧୁନିକ ବ୍ୟବସ୍ଥାକୁ ସଦୁପଯୋଗ କରିବାକୁ ମାର୍ଗଦର୍ଶନ କରିଥିଲେ । ନବମ ଏବଂ ଦଶମ ଶ୍ରେଣୀର ସମସ୍ତ ଛାତ୍ରଛାତ୍ରୀଙ୍କୁ ଗଙ୍ଗା, ଗୋଦାବରୀ, ବ୍ରହ୍ମପୁତ୍ର ଓ ମହାନଦୀ ନାମରେ ଚାରିଗୋଟି ହାଉସରେ ଭାଗ କରି ଆଗାମୀ ଦିନରେ ଶିକ୍ଷା ଓ ସାଂସ୍କୃତିକ କାର୍ଯ୍ୟକ୍ରମରେ ସାମିଲ କରିବାକୁ ବିଧିବଦ୍ଧ ଯୋଜନା ପ୍ରସ୍ତୁତ କରାଯାଇଛି । ବରିଷ୍ଠ ଶିକ୍ଷକ ଦିନବନ୍ଧୁ ପ୍ରଧାନ କାର୍ଯ୍ୟକ୍ରମକୁ ସଂଯୋଜନ କରିଥିଲେ । କାର୍ଯ୍ୟକ୍ରମରେ ସମସ୍ତ ଶିକ୍ଷକ ଓ ଶିକ୍ଷା କର୍ମଚାରୀ ବୃନ୍ଦ ଉପସ୍ଥିତ ରହି ସହଯୋଗ କରିଥିଲେ ।