ଆଗଲପୁର, (ସୁଶିଳ କୁମାର ମିଶ୍ର) : ଆଗଲପୁର ବ୍ଲକର ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ ଶିଶୁ ଦିବସ ପାଳିତ ହୋଇଯାଇଛି । ବୃନ୍ଦାବନ ଧାମ ପ୍ରବଚକ ବାଳମୁକୁନ୍ଦ ମହାରାଜ ଦୀପ ପ୍ରଜ୍ୱଳନ କରି ଶିଶୁ ମାନଙ୍କୁ ଶିଶୁ ଦିବସ ବିଷୟରେ ବକ୍ତବ୍ୟ ରଖିଥିଲେ । ସମ୍ମାନିତ ଅତିଥିଭାବେ ସମାଜସେବୀ ଅଭୟ ଚରଣ ହୋତା ଯୋଗ ଦେଇଥିବାବେଳେ ପରିଚାଳନା ସମିତିର ଯୁଗ୍ମ ସଂପାଦକ ଘନଶ୍ୟାମ ସାହୁ ଓ କୋଷାଧ୍ୟକ୍ଷ ନବକିଶୋର ମେହେର ଉପସ୍ଥିତ ଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଅଶୋକ କୁମାର ଭୋଇ ଅତିଥି ପରିଚୟ ପ୍ରଦାନ କରିଥିଲେ । ଧନମତୀ ଗୁରୁମା ମଂଚ ପରିଚାଳନା କରିଥିବାବେଳେ ତାଙ୍କୁ ବିଦ୍ୟାଳୟର ସମସ୍ତ ଗୁରୁଜୀ ଓ ଗୁରୁମା ମାନେ ପୂର୍ଣ୍ଣ ସହଯୋଗ କରିଥିଲେ ।