ବଲାଙ୍ଗିର ସହରର ପୁରୁଣା ରାଜବାଟୀ ରୋଡର ସମାଜ ମଙ୍ଗଳ ଅଧିକାରୀଙ୍କ ଅଫିସ ସମ୍ମୁଖରେ ରାସ୍ତା ମଝିରେ ୧୧ କେଭି ତାର ଛିଣ୍ଡି ଲାଗିଲା ନିଆଁ : ଯାତାୟତ ବାଧାପ୍ରାପ୍ତ
ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରର ପୁରୁଣା ରାଜବାଟୀ ରୋଡର ସମାଜ ମଙ୍ଗଳ ଅଧିକାରୀଙ୍କ ଅଫିସ ସମ୍ମୁଖରେ ୧୧ କେଭି ତାର ସଟ୍ ସର୍କିଟ୍ ଯୋଗୁଁ ନିଆଁ ଲାଗି ଛିଣ୍ଡି ଯାଇଥିବା ଦେଖିବାକୁ ମିଳିଥିଲା । ଏପରିକି ଏତିକି ବେଳେ ଲାଇଟ ଖୁମ୍ବ ଓ ରାସ୍ତା ମଝିରେ ମଧ୍ୟ ନିଆଁ ଜଳୁଥିବାର ଦେଖିବାକୁ ମିଳିଥିଲା । ଲୋକେ ଭୟଭୀତ ହୋଇ ଉଠିଥିଲେ । ତେବେ ଏଥିରେ କାହାରି କିଛି କ୍ଷତି ଘଟି ନଥିବା ବେଳେ କେବଳ ଯାତାୟତ ବାଧାପ୍ରାପ୍ତ ହୋଇଥିଲା । ଖବର ପାଇ ବିଦ୍ୟୁତ ବିଭାଗର କର୍ମଚାରୀମାନେ ଆସି ନିଆଁକୁ ଆୟତ୍ତ କରିବା ସହ ମରାମତି କରୁଥିବା ଦେଖିବାକୁ ମିଳିଛି ।