ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ମିଶନଶକ୍ତି ଭବନ ପରିସରରେ ଶ୍ରୀ ଅନ୍ନ ଅଭିଯାନ ଓ କୃଷି ବିଭାଗର ମିଳିତ ଉଦ୍ୟମରେ ବ୍ଲକସ୍ତରୀୟ ଖାଦ୍ୟମେଳା ବୁଧବାର ଅନୁଷ୍ଠିତ ହେଇଯାଇଛି । ଆଶା ସମ୍ପାଦକ ଭାସ୍କର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ଖାଦ୍ୟମେଳାରେ ମୁଖ୍ୟ ଅତିଥି ରୂପେ ନୂତନ ବିଡିଓ ବାସନ୍ତୀ ସେଠୀ ଯୋଗଦେଇ ମେଳାକୁ ଉଦ୍ଘାଟନ କରିଥିଲେ । ଏଥିରେ ବିଏଓ ଆନନ୍ଦ କୁମାର ମଲ୍ଲିକ, ଏଏଓ ଅବିନାଶ ପାଣିଗ୍ରାହୀ, ଏଏଓ ଗୁଲସନ କୁମାର ମହନ୍ତ, ବିଭିଓ ଡ. ଅଞ୍ଜନ କୁମାର ମଲ୍ଲିକ ସମ୍ମାନିତ ଅତିଥି ରୂପେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ବହୁ ସ୍ୱୟଂ ସହାୟକ ଦଳର ସଦସ୍ୟା ଓ କୃଷକମାନେ ଯୋଗ ଦେଇଥିଲେ । ଜୈବିକ ପଦ୍ଧତିରେ ପାରମ୍ପରିକ ଚାଷ କିପରି କରିବେ ଏବଂ ପୁରାତନ ଖାଦ୍ୟ ଅଭ୍ୟାସ ଉପରେ ବିଶେଷ ଧାରଣା ନେଇ ବିଡ଼ିଓ ଶ୍ରୀମତୀ ସେଠୀ ମତବ୍ୟକ୍ତ କରିଥିଲେ । ଦେଶୀ ଶାଗ ଜାତୀୟ, ଡାଲି ଜାତୀୟ, ତୈଳ ଜାତୀୟ, କନ୍ଦମୂଳ, ପାରମ୍ପରିକ ପିଠା, ମଡ଼ା, ପ୍ରଦର୍ଶନ କରାଯାଇ ଲୋକ ଭୁଲି ଯାଇଥିବା ଖାଦ୍ୟପେୟ ବ୍ୟବହାର ଉପରେ ଅବଧାରଣା ଦିଆଯାଇଥିଲା । ଶେଷରେ ଶ୍ରୀ ଅନ୍ନ ଅଭିଯାନ ବ୍ଲକ ସଂଯୋଜକ ଲଳିତ ମୋହନ ବାଗ ସମସ୍ତଙ୍କୁ ଧନ୍ୟବାଦ ଦେଇଥିଲେ ।