ଦାରିଙ୍ଗବାଡି: ଦାରିଙ୍ଗବାଡ଼ିରେ ମର୍ମନ୍ତୁଦ ସଡ଼କ ଦୁର୍ଘଟଣା । ଗଛକୁ ପିଟିଲା ବାଇକ୍ । ଫଳରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ତେବେ ଦାରିଙ୍ଗବାଡ଼ି ଥାନା ଅନ୍ତର୍ଗତ ଶ୍ରାନିକେତା ନିକଟ ବୁଲାଣିରେ ଏହି ଘଟଣା ଘଟିଛି । ମୃତକମାନେ ଶ୍ରାନିକେତା ପଞ୍ଚାୟତ ପାଙ୍ଗାରାହା ଗ୍ରାମର ଶମ୍ଭୁନାଥ ପ୍ରଧାନ ଓ ମଣ୍ଟୁ ପ୍ରଧାନ ବୋଲି ଜଣାପଡ଼ିଛି । ସେହିପରି ଗୁରୁତର ଜଣକ ସାମେଲ ନାୟକ । ସୂଚନା ଯୋଗ୍ୟ ଯେ, ବୁଧବାର ଦିନ ବିଳମ୍ବିତ ରାତିରେ ତିନି ଜଣ ମିଶି ବାଇକ୍ ଯୋଗେ ଦଣ୍ଡିମାହା ଗ୍ରାମକୁ ଯାଇ ଘରକୁ ଫେରୁଥିଲେ । ସେହି ସମୟରେ ଶ୍ରାନିକେତା ନିକଟ ଏକ ବୁଲାଣିରେ ଗଛ ସହ ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ୨ ଜଣ ମୃତ୍ୟବରଣ କରିଥିବା ବେଳେ ଜଣେ ଗୁରୁତର ହୋଇଥିଲେ । ତେବେ ଗୁରୁତର ସାମେଲଙ୍କ ଅବସ୍ଥା ଗୁରୁତର ଥିବା ଯୋଗୁଁ ତାଙ୍କୁ ଦାରିଙ୍ଗବାଡି ମେଡ଼ିକାଲରେ ପ୍ରାଥମିକ ଚିକିତ୍ସା କରି ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି । ଦାରିଙ୍ଗବାଡି ପୋଲିସ ଘଟଣାସ୍ଥଳରେ ପହଞ୍ଚି ବାଇକ୍ ଜବତ କରିବା ସହ ମୃତଦେହ ଜବତ କରି ଘଟଣାର ଅଧିକ ତଦନ୍ତ କରୁଛି ।