ଜଗତସିଂହପୁର : ଜଗତସିଂହପୁର ଜିଲ୍ଲା କନ୍ଦରପୁର ମାଛଗାଁ ମୁଖ୍ୟ ରାସ୍ତାର ବିରିଡି ଛକରେ ସିରିଜ୍ ଦୁର୍ଘଟଣା ଘଟିଥିବା ଜଣାପଡିଛି । ବୋଲେରୋ, ଟାଟା ମ୍ୟାଜିକ ଓ ବାଇକ ମଧ୍ୟରେ ଧକ୍କା ହେବା ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ସୂଚନା ଅନୁସାରେ ବାଇକ ଆରୋହୀ ଦଣ୍ଡିଲୋ ଗାଁର ସଂଜୟ ସ୍ୱାଇଁଙ୍କର ମୃତ୍ୟୁ ହୋଇଛି । ବାଇକରେ ବସିଥିବା ଅନ୍ୟ ଜଣେ ଯୁବକ ସେହି ଗାଁର କାଳିଆ ସାହୁ ଗୁରୁତର ହୋଇଛନ୍ତି । ସେହିପରି ଗଛରେ ପିଟି ହୋଇ ଟାଟା ମ୍ୟାଜିକ ଚାଳକ ମଧ୍ୟ ଗୁରୁତର ହୋଇଛନ୍ତି । ଗୁରୁତର ଅବସ୍ଥାରେ ସମସ୍ତଙ୍କୁ ୧୦୮ ଯୋଗେ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣା ଯାଇଥିବା ବେଳେ ଡାକ୍ତର ସଂଜୟଙ୍କୁ ମୃତ ଘୋଷଣା କରିଥିଲେ । ଦୁଇ ଗୁରୁତରଙ୍କୁ କଟକ ସ୍ଥାନାନ୍ତର କରାଯାଇଛି ।