ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ସରସ୍ୱତୀ ଶିଶୁ ବିଦ୍ୟା ମନ୍ଦିରରେ ଉତ୍କଳ ଦିବସ ଓ ପ୍ରଥମ ଦିନୋତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ପ୍ରଧାନ ଆଚାର୍ଯ୍ୟ ଚୈତନ୍ୟ ଭୋଇ ଅତିଥିମାନଙ୍କର ପରିଚୟ ପ୍ରଦାନ କରିବା ସହିତ ଉଦ୍ଦେଶ୍ୟ ଜ୍ଞାପନ କରିଥିଲେ । ଧନଞ୍ଜୟ ତାଣ୍ଡି ଗୁରୁଜୀ ଉତ୍କଳ ଦିବସ ବିଷୟରେ ବକ୍ତବ୍ୟ ପ୍ରଧାନ କରିଥିଲେ । ଶୋଭାଚନ୍ଦ୍ର ସ୍ଵାଇଁ କାର୍ଯ୍ୟକ୍ରମକୁ ସଂଯୋଜନା କରିଥିଲେ । ଏହି ପ୍ରଥମ ଦିନୋତ୍ସବରେ ଯଜ୍ଞକର୍ତ୍ତା ଭାବରେ ଦିଲ୍ଲୀପ କୁମାର ସାହୁ ଓ ଧର୍ମପତ୍ନୀ ନିଲାନ୍ଦ୍ରୀ ସା, ପ୍ରଶାନ୍ତ ପ୍ରଧାନ ଓ ଧର୍ମପତ୍ନୀ ସଙ୍ଗୀତା ପ୍ରଧାନ, ଗୋପାଳ କୃଷ୍ଣ ମିଶ୍ର ଓ ଧର୍ମପତ୍ନୀ ଗୀତୁ ମିଶ୍ର, ଘନଶ୍ୟାମ ବିଶି ଓ ଧର୍ମପତ୍ନୀ ସଙ୍ଗୀତା ବିଶି ଉପସ୍ଥିତ ରହି ଯଜ୍ଞ କାର୍ଯ୍ୟକ୍ରମକୁ ଆଗେଇ ନେଇଥିଲେ । ନବପ୍ରଭାତ ଆଶ୍ରମ, ନୂଆଁପାଲିର ବ୍ରହ୍ମଚାରୀ ସମ୍ବିତ ଆର୍ଯ୍ୟ ଓ ଦିଲୁ ଆର୍ଯ୍ୟ ଦୁଇ ଭାଇ ଯଜ୍ଞ କାର୍ଯ୍ୟକ୍ରମକୁ ସମ୍ପାଦନ କରିଥିଲେ । ଠିକ୍ ସେହିପରି ଶିଶୁ ମନ୍ଦିର ପରିସରରେ ଉତ୍କଳ ଦିବସ ଓ ପ୍ରଥମ ଦିନୋତ୍ସବ ପାଳନ କରାଯାଇଛି । ଏଥିରେ ଅଭିଭାବକ ସୁଶାନ୍ତ କୁମାର ସାହୁ ଦୀପ ପ୍ରଜ୍ୱଳନ କରିଥିଲେ । ମୁଦିରଥ ପଣ୍ଡା ମଞ୍ଚାସୀନ ଥିବା ବେଳେ ଦୁର୍ବାଦଳ ସାହୁ ଗୁରୁଜୀ ଉତ୍କଳ ଦିବସ ବିଷୟରେ ପ୍ରାଞ୍ଜଳ ଭାବେ ଆଲୋକପାତ କରିଥିଲେ । ରଞ୍ଜିତା ଭୋଇ ଗୁରମା କାର୍ଯ୍ୟକ୍ରମର ସଂଯୋଜନା କରିଥିବା ବେଳେ ମୋହିନୀ ଡାଲୁଆ ଗୁରୁମା ଧନ୍ୟବାଦ ଅର୍ପଣ କରିଥିଲେ । ଯଜ୍ଞ କର୍ତ୍ତା ଭାବରେ ଅନନ୍ତ ମେହେର ସପତ୍ନିକ ବିଜୁଳି ମେହେର, ଦେବାନନ୍ଦ ମଲ୍ଲିକ ସପତ୍ନିକ ହରିପ୍ରିୟା ମଲ୍ଲିକ, ହରି ସାହୁ ସପତ୍ନିକ ମୀନା ସାହୁ ପ୍ରମୁଖ ଯଜ୍ଞ କର୍ତ୍ତା ଦାୟିତ୍ଵ ତୁଲାଇଥିଲେ । ଭାସ୍କର ଚନ୍ଦ୍ର ଦାଶ ଯଜ୍ଞ କାର୍ଯ୍ୟ ସମ୍ପାଦନ କରିଥିଲେ । ସୁଜାତା ତ୍ରିପାଠୀ ଗୁରୁମା ସୂଚନା ପ୍ରଦାନ କରିଥିବା ବେଳେ ଦୁର୍ବାଦଳ ସାହୁ ଗୁରୁଜୀ ଧନ୍ୟବାଦ ଅର୍ପଣ କରିଥିଲେ । ସମସ୍ତ ଗୁରୁଜୀ ଗୁରୁମା, ସେବକ ସେବିକାମାନଙ୍କ ସହଯୋଗରେ କାର୍ଯ୍ୟକ୍ରମଟି ସଫଳ ହୋଇଥିଲା ।