କଣ୍ଟାମାଳ, (ବଂଶୀଧର ମାଝୀ) : ଗତକାଲି ବିଳମ୍ବିତ ରାତ୍ରିରେ କଣ୍ଟାମାଳ ଥାନା ପୁଲିସ ପେଟ୍ରୋଲିଂ କରୁଥିବା ସମୟରେ ରୁଣ୍ଡିମହୁଲ ଛକ ନିକଟରେ ରାସ୍ତା ପାର୍ଶ୍ଵରେ ଥିବା ଏକ ପଡ଼ିଆରେ ଆପତ୍ତି ଜନକ ଅବସ୍ଥାରେ ଜଣେ ମହିଳା ଓ ଆଉ ଜଣେ ପୁରୁଷଙ୍କୁ ପୁଲିସ କାବୁ କରିଛି । ପୁଲିସ ଗାଡି ଦେଖି ଆଉ ୩ ଜଣ ପୁରୁଷ ଦୌଡ଼ି ପଳେଇ ଯାଇଥିବା ଜଣାପଡ଼ିଛି । ସୂଚନା ଅନୁସାରେ, ଗତ ରାତିରେ କଣ୍ଟାମାଳ ପୁଲିସ ପେଟ୍ରୋଲିଂ କରୁଥିବା ସମୟରେ ରୁଣ୍ଡିମହୁଲ ଛକ ନିକଟ ପଡ଼ିଆରେ ୪ ଜଣ ଯୁବକ ମିଶି ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଅଞ୍ଚଳର ଜନୈକ ଦେହଜୀବୀକୁ ଆଣି ରଖିଥିଲେ । ସ୍ଥାନୀୟ ରୁଣ୍ଡିମହୁଲ ଗ୍ରାମର ଘନଶ୍ୟାମ ସାହୁଙ୍କ ପୁଅ ଜଗୁ ସାହୁ(୨୯) ଉକ୍ତ ଯୁବତୀ ସହିତ ଆପତ୍ତି ଜନକ ଅବସ୍ଥାରେ ଥିବା ବେଳେ କଣ୍ଟାମାଳ ପୁଲିସ ହାତରେ ଧରା ପଡିଛନ୍ତି ଏବଂ ଏହି କାରନାମାରେ ଜଡିତ ଥିବା ଅନ୍ୟ ୩ ଜଣ ଦୌଡ଼ି ପଳେଇ ଯାଇଥିବା ପୁଲିସ କହିଛି । ଆଜି ଉକ୍ତ ଦେହଜୀବୀକୁ ଅଟକ ରଖି ଅଧିକ ପଚରା ଉଚୁରା ଚାଲିଥିବା ବେଳେ ଏ ସଂକ୍ରାନ୍ତରେ କଣ୍ଟାମାଳ ଥାନା କେସ ନମ୍ବର ୧୦୧/୨୦୨୧ ଆଇପିସି ୩,୪,୫ ଓ ୭ ଇମୋରାଲ ଟ୍ରାଫିକ ପ୍ରିଭେନସନ ଆକ୍ଟ ବଳରେ ଜଗୁକୁ ଗିରଫ କରି କୋର୍ଟ ଚାଲାଣ କରିଛି । ଅଧିକ ତଦନ୍ତ ଚାଲିଛି, ଖୁବଶୀଘ୍ର ଅନ୍ୟ ୩ ଜଣ ଗ୍ରାହକଙ୍କୁ ମଧ୍ୟ ଗିରଫ କରାଯିବ ବୋଲି କଣ୍ଟାମାଳ ଥାନା ଆଇଆଇସି ଶ୍ରୀ ଅଶ୍ୱିନୀ ଭିତିରିଆ କହିଛନ୍ତି ।
