ଟିଟିଲାଗଡ, (ସଞ୍ଜୟ କୁମାର ନାୟକ) : ବଲାଙ୍ଗିର ଜିଲ୍ଲାର ଏକ ଜଣାଶୁଣା ମହାବିଦ୍ୟାଳୟ ଭିତରେ ଟିଟିଲାଗଡ ଡିଏଭି ମହାବିଦ୍ୟାଳୟ ଅନ୍ୟତମ । ସୋମବାର ଦିନ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ମେଜର ଡ. ମଧୁସୂଦନ ମିଶ୍ର ଅବସର ନେବା ପରେ ଡ. ପ୍ରଣବ ପୁରୋହିତଙ୍କୁ ଏହି ଦାୟିତ୍ୱ ମିଳିଛି । ଏହି ଅବସରରେ ମହାବିଦ୍ୟାଳୟର କାର୍ଯ୍ୟରତ ଅଧ୍ୟାପକ, ଅଧ୍ୟାପିକା, ଷ୍ଟାଫ ତାଙ୍କୁ ଫୁଲତୋଡା ଦେଇ ଶୁଭେଚ୍ଛା ଜଣାଇବା ସହିତ ସ୍ୱାଗତ କରିଥିଲେ ।
ଡ. ପୁରୋହିତ ପୂର୍ବରୁ ଯୁକ୍ତ ଦୁଇର ଅଧ୍ୟକ୍ଷ ଦାୟିତ୍ଵ ତୁଲାଉଥିଲେ । ସେ ଜଣେ ବିଜ୍ଞାନ ବିଭାଗର ଭଲ ଅଧ୍ୟାପକ ହେବା ସହ ତାଙ୍କର ଉତ୍ତମ ଶିକ୍ଷାଦାନ ଦ୍ୱାରା ବହୁ ଛାତ୍ର ଛାତ୍ରୀ ଆଜି ଭଲ ଭଲ ସ୍ଥାନରେ ଚାକିରି କରି ନିଜର ଜୀବିକା ନିର୍ବାହ କରୁଛନ୍ତି । ଶ୍ରୀ ପୁରୋହିତ ଅଧ୍ୟକ୍ଷ ଦାୟିତ୍ଵ ନେବା ଜାଣିବା ପରେ ସହରର ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି, ଛାତ୍ର ଛାତ୍ରୀ, ଶିକ୍ଷାବିତ, ବୁଦ୍ଧିଜୀବୀମାନେ ଶୁଭେଚ୍ଛା ଜଣାଇବା ସହ ଆଗକୁ ମହାବିଦ୍ୟାଳୟର ବିକାଶ ନିମନ୍ତେ ନିଶ୍ଚିତ କାର୍ଯ୍ୟ କରିବେ ବୋଲି ଆଶା ବାନ୍ଧିଛନ୍ତି । ଡିଏଭି ମହାବିଦ୍ୟାଳୟରେ ଅଧ୍ୟୟନ କରୁଥିବା ଛାତ୍ର ଛାତ୍ରୀ ମାନେ କିପରି ଭଲ ଶିକ୍ଷା ଗ୍ରହଣ କରିବେ, କ୍ରୀଡା ଏବଂ ଅନ୍ୟାନ୍ୟ କ୍ଷେତ୍ରରେ କିପରି ସେମାନଙ୍କର ବିକାଶ ହେବ ସେ ଦିଗରେ ପଦକ୍ଷେପ ନେବି ବୋଲି ସେ କହିଛନ୍ତି ।