ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସୋନପୁର ରାସ୍ତାର ସହର ଉପକଣ୍ଠସ୍ଥ ବଲାଙ୍ଗିର କଲେଜ୍ ନିକଟରେ ଏକ ଘରୋଇ ବସରେ ଚଢ଼ାଉ କରିଛି ଟାଉନ୍ ପୁଲିସ । ବସରେ ତନାଘନା କରି ପ୍ରାୟ ୩୦ ଜଣ ଶ୍ରମିକଙ୍କୁ ଅଟକ ରଖି ପଚରାଉଚୁରା କରାଯାଉଥିବା ସୂଚନା ରହିଛି । ସୂଚନା ଅନୁସାରେ ଏହି ଦାଦନ ମାନେ ପ୍ରତିବର୍ଷ ପାଟଣାଗଡ଼ ଅଞ୍ଚଳରୁ ଆସ୍କା ଅଞ୍ଚଳକୁ ଯାଆନ୍ତି । ଏଥର ମଧ୍ୟ ଯାଉଥିବା ବେଳେ ନାଇଟ୍ ବସରେ ଦାଦନ ଚାଲାଣ ହେଉଥିବା ଖବର ପାଇଥିଲା ଟାଉନ୍ ପୁଲିସ । ତେବେ ତଦନ୍ତ ପରେ ସମସ୍ତ କଥା ସାମ୍ନାକୁ ଆସିବ ବୋଲି କୁହାଯାଉଛି ।