ଏକଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଯାପିତ : ସତୀଘାଟକୁ ହରାଇ ସରଗାଡ଼ ଚାମ୍ପିୟାନ
ଗାଇସିଲେଟ, (ପୁସ୍ତମ୍ ଯୁଆଡି) : ଗାଇସିଲେଟ ବ୍ଲକ ଅନ୍ତର୍ଗତ ଡାଙ୍ଗବାହାଲ ସାଇରାମ୍ କ୍ରିକେଟ କ୍ଲବ ଆନୁକୂଲ୍ୟରେ ସ୍ଥାନୀୟ ହାଇସ୍କୁଲ ପଡିଆଠାରେ ରାତ୍ରିକାଳୀନ ଏକଦିବସୀୟ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି ।ଏହି ଟୁର୍ଣ୍ଣାମେଣ୍ଟରେ ୧୬ ଟି ଦଳ ଅଂଶଗ୍ରହଣ କରିଥିବା ବେଳେ ଫାଇନାଲକୁ ସତୀଘାଟ ଓ ସରଗାଡ଼ ଦଳ ଉତ୍ତୀର୍ଣ୍ଣ ହୋଇଥିଲେ । ସତୀଘାତ ଦଳ ନିର୍ଦ୍ଧାରିତ ୬ ଓଭରରେ ୪୪ ରନ୍ କରିଥିବା ବେଳେ ସରଗାଡ ଦଳ ଶେଷ ବଲରେ ଚମତ୍କାର ଢଙ୍ଗରେ ବିଜୟ ଲକ୍ଷ୍ୟ ହାସଲ କରି ଚାମ୍ପିୟାନ ହୋଇ ଥିଲା । ଏହି ଟୁର୍ଣ୍ଣାମେଣ୍ଟରେ ଶତ୍ରୁଘନ ସାହୁ, ଦଇତାରି ମିର୍ଧା, ଭାରତୀ ମିର୍ଧା, ଶିଶିର ପ୍ରଧାନ, ଚନ୍ଦନ ପ୍ରଧାନ ପ୍ରମୁଖ ଖେଳ ପରିଚାଳନା କରିଥିଲେ । ଡାଙ୍ଗବାହାଲ ଗ୍ରାମ ପଞ୍ଚାୟତର ସରପଞ୍ଚ ଡୋଳାମଣି ସାହୁ ନାଏବ ସରପଞ୍ଚ ପୁରୁଷୋତ୍ତମ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଉଭୟ ଦଳକୁ ପୁରସ୍କାର ପ୍ରଦାନ କରିଥିଲେ । ସ୍କୋର କାର୍ଡରେ ରଶ୍ମିକାନ୍ତ ସାହୁ ଓ ଧାରା ବିବରଣୀରେ ସତ୍ୟକାମ ନାଗ ଓ ସୁର୍ଯ୍ୟକାନ୍ତ ପଧାନ ସାହାଯ୍ୟ କରିଥିଲେ । ସାଇରାମ୍ କ୍ରିକେଟ କ୍ଲବର ସମସ୍ତ ଖେଳାଳିମାନେ ଏହି ଟୁର୍ଣ୍ଣାମେଣ୍ଟରେ ସହଯୋଗ କରିଥିଲେ ।