ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଛତ୍ରପୁର ସହରର ତୈଳିକ ବୈଶ୍ୟ ସମାଜ ତରଫରୁ ବୋଇତ ବନ୍ଦାଣ ଉତ୍ସବ ବର୍ଣ୍ଣାଢ଼୍ୟ ସମାରୋହରେ ପାଳିତ ହୋଇଯାଇଛି । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଛତ୍ରପୁର ଲାୟନ୍ସ କ୍ଲବ୍ ସମ୍ମୁଖରେ ଥିବା ପୋଖରୀରେ ବର୍ଣ୍ଣାଢ଼୍ୟ ପଟୁଆରରେ ଅଣାଯାଇଥିବା ଚିତ୍ତାକର୍ଷକ ବୋଇତକୁ ଶତାଧିକ ମହିଳାଙ୍କ ହୁଳହୁଳି ଧ୍ଵନିରେ ବନ୍ଦାପନା କରାଯାଇ କୁଳ ସମାଜର ପୁରୁଷ ଓ ମହିଳାଙ୍କ ସମାବେଶରେ ସୁସଜ୍ଜିତ ବୋଇତକୁ ପୁଷ୍କରିଣୀରେ ଭସାଇ ଥିଲେ । ଉକ୍ତ କାର୍ଯ୍ୟକ୍ରମରେ କୁଳ ସମାଜର ସଭାପତି ରମେଶ ଚନ୍ଦ୍ର ସାହୁ, ଉପ-ସଭାପତି ଅଶୋକ କୁମାର ସାହୁ, ସାଧାରଣ ସମ୍ପାଦକ ସୁଧିର କୁମାର ସାହୁ, ସହ-ସମ୍ପାଦକ ସଦାନନ୍ଦ ସାହୁ, ବାବୁଲା ସାହୁ, ମାଧବ ସାହୁ, ଶରତ ଚନ୍ଦ୍ର ସାହୁ, ବାସୁଦେବ ସାହୁ, ପ୍ରମୋଦ ସାହୁ, କୁମୁଦିନୀ ସାହୁଙ୍କ ସମେତ ସମାଜର ଶତାଧିକ ମହିଳା ପୁରୁଷ ଯୋଗଦେଇ ସକ୍ରିୟ ଅଂଶଗ୍ରହଣ କରିଥିଲେ ।