ଭୁବନେଶ୍ୱର : ଆଜି ବିଜୁ ଜନତା ଦଳ ପାଳନ କରୁଛି ୨୪ତମ ପ୍ରତିଷ୍ଠା ଦିବସ । ସୂଚନା ଅନୁସାରେ ଭୁବନେଶ୍ୱର ଫରେଷ୍ଟ ପାର୍କ ସ୍ଥିତ ବିଜୁ ପଟ୍ଟନାୟକଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରାଯିବା ସହ ୟୁନିଟ-୬ ରେ ଥିବା ଦଳୀୟ କାର୍ୟ୍ୟାଳୟରେ ଦିନ ସାଢେ ୧୦ ଟାରେ ଏକ ସାଧାରଣ ସଭାର ଆୟୋଜନ ହେବ । ଭିଡିଓ କନଫରେନ୍ସିଂ ଜରିଆରେ ଏଥିରେ ସାମିଲ ହୋଇପାରନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୋଲି ଆଲୋଚନା ହେଉଛି । ଦଳର ପ୍ରତିଷ୍ଠା ଦିବସ କାର୍ୟ୍ୟକ୍ରମରେ ଯୋଗଦେଇ ନେତା ଓ କର୍ମୀଙ୍କୁ କଣ ଆହ୍ୱାନ ଦେବେ ନବୀନ ପଟ୍ଟନାୟକ, ତାହାକୁ ଅପେକ୍ଷା କରିଛନ୍ତି ସଭିଏଁ । ସୂଚନାଯୋଗ୍ୟ ଯେ, ୧୯୯୭ ମସିହା ଆଜିର ଦିନରେ ରାଜ୍ୟ ରାଜନୀତିରେ ଏକ ଆଂଚଳିକ ଦଳ ଭାବେ ବିଜୁ ଜନତା ଦଳର ଅଭ୍ୟୁଦୟ ହୋଇଥିଲା ।