ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବନାଞ୍ଚଳ ଅଧୀନସ୍ଥ ଆମ ଜଙ୍ଗଲ ଯୋଜନାରେ ସାମିଲ ହୋଇ କାର୍ଯ୍ୟ କରୁଥିବା ବନସୁରକ୍ଷା ସମିତିମାନଙ୍କୁ ବିଭିନ୍ନ ପ୍ରକାର ସାମଗ୍ରୀ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ କନକପୁର, ଗଡଦ୍ଵାର, ଘୁଚିପାଲି, ରତନପୁର, ପ୍ରତାପପୁର ଓ ନୂଆପଡା ବନସୁରକ୍ଷା ସମିତିମାନଙ୍କୁ ଟେଣ୍ଟ, ୟୁଟେନ୍ସିଲ୍, ସାମଗ୍ରୀ, ସିଲାଇ ମେନିସ, ଖଲି, ଦନା ତିଆରି ମେସିନ, ଧୂପକାଠି ତିଆରି ମେସିନ, ଡାଲି ପିଶା ମେସିନ ଆଦି ସାମଗ୍ରୀ ବଣ୍ଟନ କରାଯାଇଥିଲା । ବନସୁରକ୍ଷା ସମିତିର ସଭାପତି ତଥା ସଦସ୍ୟମାନଙ୍କୁ ସାମଗ୍ରୀ ଗୁଡିକ ଗ୍ରାମରେ ଉଚିତ ଉପେଯାଗ କରି ରୋଜଗାର କରିବା ସଙ୍ଗେ ସଙ୍ଗେ ଜଙ୍ଗଳକୁ ନିଆଁ ଦାଉରୁ ସୁରକ୍ଷା, ବନ୍ୟଜନ୍ତୁ ଓ ଜଙ୍ଗଲକୁ ସୁରକ୍ଷା ଦେବା ସହ ବନବିଭାଗକୁ ଜଙ୍ଗଲ ସୁରକ୍ଷାରେ ଦିଗରେ ସମସ୍ତ ପ୍ରକାର ସହଯୋଗ କରିବା ପାଇଁ ସଂକଳ୍ପ କରିଥିଲେ । ଏ ଅବସରରେ ଦେଓଗାଁ ବନାଞ୍ଚଳ ଅଧିକାରୀ, ବନପାଳ ଦେଓଗାଁ, କୁଡାସିଙ୍ଗା ବନରକ୍ଷୀ, ପାରା ଷ୍ଟାଫ୍, ପିଏନ୍ଜିଓ ଷ୍ଟାଫ ତଥା ବନସୁରକ୍ଷା ସମିତିର ସଭାପତି, ସଭ୍ୟ, ସଭ୍ୟା ଓ ସୟଂ ସହାୟକ ଗୋଷ୍ଠୀର ସଭ୍ୟାମାନେ ଉପସ୍ଥିତ ଥିଲେ ।