ପୁଇଁନ୍ତଲା ବ୍ଲକ ଯାଦବ ମହାସଭାର ବନ୍ଧୁ ମିଳନ : ଗୋସୁରକ୍ଷାର ଭିତ୍ତିଭୂମି ଯୋଗାଇ ଦିଆଯିବ, କହିଲେ ଡ.ମୁକେଶ ମହାଲିଙ୍ଗ

ପୁଇଁନ୍ତଲା, (ଦେବାଶିଷ ମିଶ୍ର) : ସ୍ଥାନୀୟ ପୁଇଁନ୍ତଲା ବ୍ଲକ ଅନ୍ତର୍ଗତ ବନ୍ଧପଡା ନର୍ସରୀରେ ପୁଇଁନ୍ତଲା ବ୍ଲକ ଯାଦବ ମହାସଭାର ବନ୍ଧୁମିଳନ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ଯୋଗଦେଇ ଆଗାମୀ ଦିନରେ ପୁଇଁନ୍ତଲା ବ୍ଲକର ଯାଦବ ଭବନ ନିର୍ମାଣ ପାଇଁ ସେ ସହଯୋଗର ହାତ ବଢାଇବେ ବେଳେ ସଭାରେ ଏହି ବାର୍ତ୍ତା ଦେଇଥିଲେ । ଆଗାମୀ ଦିନରେ ଯାଦବମାନଙ୍କର ଗୋସୁରକ୍ଷାର ଉପରେ ଧ୍ୟାନ ଦେଇ ଯାଦବମାନଙ୍କର ବିଭିନ୍ନ ସମସ୍ୟାକୁ ସମାଧାନ କରିବା ପାଇଁ କହିଥିଲେ । ଅନିରୁଦ୍ଧ ବଗର୍ତ୍ତି ସ୍ୱାଗତ ଭାଷଣ ଦେଇଥିବା ବେଳେ ସାଧାରଣ ସଂପାଦକ ପ୍ରଦୀପ କୁମାର ସେଲମା, ଯୁବ ଯାଦବ ସଭାପତି ଦେବେନ୍ଦ୍ର ହାତୀ, ଉପ-ସଭାପତି ଚନ୍ଦ୍ରବଦନ ବଗର୍ତ୍ତି, ବ୍ଲକ ସକ୍ରିୟ ସଭ୍ୟ ଶିବ ପୋଡ, ଅନ୍ତର୍ୟ୍ୟାମୀ ମନହିରା, ପଂଚାୟତ ସଭାପତି ଧବେଲ ମାହାର, ପୀତାମ୍ବର ବାଙ୍କ, ବେଣୁଧର ହାତୀ, ପୌରାଞ୍ଚଳ କାର୍ୟ୍ୟକାରୀ ସଭାପତି ଖରତ ରାଉତ ଓ ପ୍ରଶାନ୍ତ ମହାକୁର ପ୍ରମୁଖ ମଞ୍ଚାସୀନ ଥିଲେ । ଏହି ଅବସରରେ ସୀତାରାମ ବାଗ, ପଞ୍ଚାୟତ ସଭାପତି ମହାଦେବ ବାଗ ଧନ୍ୟବାଦ ଅର୍ପଣ କରିଥିଲେ । ଏଥିରେ ପୁଇଁନ୍ତଲା ବ୍ଲକର ୨୦ଟି ପଂଚାୟତ କର୍ମକର୍ତ୍ତା ଉପସ୍ଥିତ ଥିଲେ ।