ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ଡ ସର୍ଗିବାହାଲ ସରସ୍ଵତୀ ଶିଶୁ ମନ୍ଦିର ପକ୍ଷରୁ ବନବିହାର ଟାଲନର୍ମଦା ନାଳା ଏବିଇଓ ଜୟ କୁମାର ସାହୁଙ୍କ ଫାର୍ମ ହାଉସ୍ ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ବିଦ୍ୟାଳୟର ଉପସଭାପତି ମୁରଲୀଧର ସାହୁଙ୍କ ପତ୍ନୀ ଶ୍ରୀମତୀ ବିନୋଦିନୀ ସାହୁ ଦୀପ ପ୍ରଜ୍ୱଳନ କରିଥିଲେ । ପ୍ରଧାନ ଆଚାର୍ଯ୍ୟ ପ୍ରମୋଦ କୁମାର ସାହୁ ଅତିଥିଙ୍କ ପରିଚୟ ପ୍ରଦାନ କରିଥିଲେ । ସଭାପତି ପ୍ରେମାନନ୍ଦ ବାରିକ ବନବିହାରର ଉଦ୍ଦେଶ୍ୟ ଏବଂ ମହତ୍ତ୍ଵ ଉପରେ ଆଲୋକପାତ କରିଥିଲେ । ଏଥିରେ ବିଦ୍ୟାଳୟର ସମସ୍ତ ପରିଚାଳନା ସମିତିର ସଦସ୍ୟ ସଦସ୍ୟା, ବିଦ୍ଵତ୍ ପରିଷଦ, ମାତୃଭାରତୀର ସଦସ୍ୟା, ସମସ୍ତ ଅଭିଭାବକ ଅଭିଭାବିକା ଓ ଶିଶୁ ଭାଇଭଉଣୀମାନେ ଯୋଗଦାନ କରିଥିଲେ । ଶିଶୁ ଭାଇଭଉଣୀଙ୍କ ସାଂସ୍କୃତିକ କାର୍ଯ୍ୟକ୍ରମ ଓ ଅଭିଭାବକ ଅଭିଭାବିକାଙ୍କ ଏକ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ମୁରଲୀଧର ସାହୁ ପାଠପଢ଼ା, ସଂସ୍କାର ଓ ଅଭିଭାବିକାଙ୍କ ଭୂମିକା ବିଷୟରେ ଆଲୋକପାତ କରିଥିଲେ । ସଭା ଶେଷରେ ବିଦ୍ୟାଳୟର ସଂପାଦକ ପ୍ରହଲ୍ଲାଦ ସାହୁ ଧନ୍ୟବାଦ ଅର୍ପଣ କରିଥିଲେ । ବିଦ୍ୟାଳୟର ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ ।
