ବଲାଙ୍ଗିର, (କେପିଏନ୍ଏସ୍) : ଶିବତଲା ଭଲି ବଲ୍ ଏସୋସିଏସନ ପକ୍ଷରୁ ଏକ ଦିବସୀୟ ଭଲି ବଲ୍ ପ୍ରତିଯୋଗିତା ଶିବତଲା ମିନି ଷ୍ଟାଡିୟମଠାରେ ଅନୁଷ୍ଠିତ ହୋଇଯାଇଛି । ଏଥିରେ ବଲାଙ୍ଗିର, ପାଟଣାଗଡ, ଶିବତଲା ସମେତ ଛଅ ଗୋଟି ଦଳ ଅଂଶଗ୍ରହଣ କରିଥିଲେ । ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଭୋଜରାଜ ବେହେରା ଯୋଗଦାନ କରି ପ୍ରତିଯୋଗିତାର ଶୁଭାରମ୍ଭ କରିଥିଲେ । ଫାଇନାଲ୍ ଖେଳ ବଲାଙ୍ଗିର ସହିତ ପାଟଣାଗଡ ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ବଲାଙ୍ଗିର ଦଳ ୨-୧ ସେଟ୍ରେ ପାଟଣାଗଡ ଦଳକୁ ପରାଜିତ କରି ଚାମ୍ପିଆନ ହୋଇଥିଲା । ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ରଂଜିତ ବେହେରା ଓ ସମ୍ମାନିତ ଅତିଥିଭାବେ ପଦ୍ମଚରଣ ଦାସ, ରାଜୀବ ପଣ୍ଡା, ଗୋଳକ ଚନ୍ଦ୍ର ବାରିକ, ବସନ୍ତ ମେହେର ଉପସ୍ଥିତ ରହି ଖେଳାଳୀମାନଙ୍କୁ ଉତ୍ସାହିତ କରିଥିଲେ । ରାଜୀବ ବେହେରା, ଅଞ୍ଜନ ବେହେରା, ହୃଦୟ ଶବର, ସରୋଜ ସାହା ଖେଳ ପରିଚାଲନା କରିଥିଲେ । ଶିବତଲା ଭଲି ବଲ୍ ଏସୋସିଏସନ୍ର ସମସ୍ତ କର୍ମୀ ଆୟୋଜନ କରିବାରେ ସହଯୋଗ କରିଥିଲେ ।
