ବଲାଙ୍ଗିର, (କେପିଏନ୍ଏସ୍) : ଆଜି ବଲାଙ୍ଗିର ଜିଲ୍ଲାରେ ୨୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୧ ଜଣ ବଲାଙ୍ଗିର ପୌରାଂଚଳର, ଦୁଇ ଜଣ ମିହଳା କୋଭିଡ଼୍ ଯୋଦ୍ଧା ଏବଂ ଜଣେ ସିଆରପିଏଫ ଜବାନ ବୋଲି ସରକାରୀ ରିପୋର୍ଟରେ କୁହାଯାଇଛି । ଆଜି ସମୁଦାୟ ସଂକ୍ରମିତଙ୍କ ମଧ୍ୟରେ ୧୦ ଜଣ ମହିଳା ରହିଛନ୍ତି । ତେବେ ବଲାଙ୍ଗିର ସହରର ବିଭୂତିପଡ଼ାରୁ ୧, ସୁଦପଡ଼ାରୁ ୨, ଜେଲ୍ କଲୋନୀରୁ ୧, ବେହେରାପାଲିରୁ ୧, ତାଲପାଲିପଡ଼ା ୧, ଇନ୍ଦ୍ରାନଗରରୁ ୨, ଠିକାଦାର ପଡ଼ାରୁ ୨ ଏବଂ ଡୁଙ୍ଗୁରିପଡ଼ାରୁ ୧ ଚିହ୍ନଟ ହୋଇଛନ୍ତି । ସେହିପରି ବଲାଙ୍ଗିର ବ୍ଲକ ଚୁଡ଼ାପାଲିରୁ ଜଣେ, ମୁରିବାହାଲ ତେତେଲଖୁଂଟିରୁ ଜଣେ, ଖପ୍ରାଖୋଲ ବ୍ଲକ ଦେଦରହୋରୁ ଜଣେ, ପୁଇଁନ୍ତଲା ବ୍ଲକ୍ ଭୋଇପାଲି ଓ ପିପଲବାହାଲିରୁ ଜଣେ ଲେଖାଏଁ, କଂଟାବାଂଜିରୁ ଦୁଇ ଜଣ ସଂକ୍ରମିତ ହୋଇଥିବା କୁହାଯାଇଛି । ତେବେ ଆଜି ସମସ୍ତ ଆକ୍ରାନ୍ତ ସ୍ଥାନୀୟ ସଂକ୍ରମଣ ଦ୍ୱାରା ସଂକ୍ରମିତ ହୋଇଥିବା ଜଣାପଡ଼ିଛି ।