ନୂଆଦିଲ୍ଲୀ : କଂଗ୍ରେସ ପାର୍ଟିରେ ଗତ କାଲି ବଡ଼ ଧରଣର ଅଦଳ ବଦଳ ହୋଇଛି । ତେବେ ୨୩ ଜଣ ନେତାଙ୍କ ଚିଠି ପରେ କଂଗ୍ରେସ ମଧ୍ୟରେ ଯେଉଁ ପରିବର୍ତ୍ତନର ଅନୁଭବ କରାଯାଉଥିଲା, ଗତକାଲି ସଂଧ୍ୟାରେ ସେ ଉପରେ ନିଷ୍ପତ୍ତି ଗ୍ରହଣ କରାଯାଇଛି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଅନେକ ଦିଗରୁ ବିଚାର ବିମର୍ଷ କରିବା ପରେ ଏହି ଅଦଳ ବଦଳ କରିଛନ୍ତି । ବରିଷ୍ଠ ନେତା ଗୁଲାମ ନବି ଆଜାଦଙ୍କୁ ମହାସଚିବ ପଦରୁ ବାଦ୍ ଦିଆଯାଇଥିବା ବେଳେ ସୁର୍ଜେୱାଲାଙ୍କୁ କଂଗ୍ରେସର ମହାସଚିବ ଦାୟିତ୍ୱ ଦିଆଯାଇଛି । ତାଙ୍କ କର୍ଣ୍ଣାଟକର ପ୍ରଭାରୀ କରାଯାଇଥିବା ସୂଚନାରେ କୁହାଯାଇଛି । ସୁର୍ଜେୱାଲା ଏବେ କଂଗ୍ରେସ ଅଧ୍ୟକ୍ଷାଙ୍କୁ ଦିଗ୍ଦର୍ଶନ ଦେଉଥିବା ଉଚ୍ଚସ୍ତରୀୟ ଛ’ ସଦସ୍ୟ ବିଶିଷ୍ଟ ବିଶେଷ ସମିତିର ଏକ ଅଙ୍ଗ ହେବେ ।