ବଲାଙ୍ଗିର, (ଦେବାଶିଷ ମିଶ୍ର) : ପୁଇଁନ୍ତଲା ବ୍ଲକ ଅନ୍ତର୍ଗତ ଜାମଗାଁ ସରକାରୀ ଉଚ୍ଚ ବିଦ୍ୟାଳୟର ପ୍ରାଚୀରପତ୍ର ପ୍ରଧାନ ଶିକ୍ଷକ ପ୍ରଫୁଲ୍ଲ କୁମାର ସାହୁ, ସ୍କୁଲ ସଭାପତି ଗୁପ୍ତେଶ୍ୱର ବେହେରା, ଆଲୁମିନି ସଭାପତି ପୁରୁଷୋତ୍ତମ ଗୁରହାଣ୍ଡିଙ୍କ କରକମଳରେ ଉଦ୍ଘାଟିତ ହୋଇଯାଇଛି । ସଂସ୍କୃତ ଶିକ୍ଷକ ରାଜକିଶୋର ପଣ୍ଡାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପ୍ରସ୍ତୁତ ଏହି ପ୍ରାଚୀରପତ୍ର ‘ଆମ ଲେଖା ଆମ ଚିତ୍ର’ର ସଜ୍ଜୀକରଣରେ ଶିକ୍ଷୟିତ୍ରୀ ରଞ୍ଜିତା ରଣା, ସୁକାନ୍ତି ସାହୁ, ରୀତା ପଧାନ, ପ୍ରତିଭା ମୁନା, ନମିତା ପାଣିଗ୍ରାହୀଙ୍କ ସହିତ ଛାତ୍ରଛାତ୍ରୀଙ୍କ ପ୍ରତ୍ୟକ୍ଷ ସହଯୋଗ ରହିଥିଲା । ସାହିତ୍ୟ ସୃଜନ, ଚିତ୍ରକଳା ତଥା ଭାଷାର ବିକାଶ ଓ ପ୍ରକାଶ ଦିଗରେ ଏହି ପ୍ରାଚୀରପତ୍ରର ଆବଶ୍ୟକତା ରହିଛି ବୋଲି ସଂସ୍କୃତ ଶିକ୍ଷକ ରାଜକିଶୋର ପଣ୍ଡା ତାଙ୍କ ବକ୍ତବ୍ୟରେ କହିଥିଲେ ।