ଲୋଇସିଂହା, (ବିମଳେନ୍ଦୁ ସାହୁ) : ଲୋଇସିଂହା ନିକଟସ୍ଥ ସାଲେଭଟା ନିକଟରେ ଏକ ଚାଉଳ ବୋଝେଇ ଟ୍ରକ (ନଂ-ଓଡ଼ି-୧୫ ସି ୪୦୬୨)କୁ ଜବତ କରି ଲୋଇସିଂହା ପୋଲିସ ଥାନାକୁ ଆଣିଥିବା ଜଣାଯାଇଛି । ଉକ୍ତ ଟ୍ରକଟି ସାଲେଭଟା ନିକଟସ୍ଥ ମୁରଶୁଣ୍ଡି ପଟୁ ବରଗଡ଼ ଜିଲ୍ଲା ପଦ୍ମପୁରକୁ ଯିବାର ଥିଲା ବୋଲି ଜଣାପଡିଛି । ଉକ୍ତ ଟ୍ରକରେ ଚୋରା ଚାଉଳ ଯାଉଥିବା ସନ୍ଦେହରେ ପୋଲିସ କୌଣସି ସୂତ୍ରରୁ ଖବର ପାଇ ଗାଡିକୁ ପିଛା କରି ସାଲେଭଟା ପେଟ୍ରୋଲ ପମ୍ପ ନିକଟରେ ଧରି ଲୋଇସିଂହା ଥାନାକୁ ଆଣିଥିଲା । ପିଡିଏସ ଚାଉଳ ବୋଲି ଖବର ପାଇ ଲୋଇସିଂହା ବ୍ଲକ ଯୋଗାଣ ଅଧିକାରୀ ସୌମ୍ୟରଂଜନ ମହାନନ୍ଦ ଲୋଇସିଂହା ଥାନାକୁ ପହଂଚି ପରୀକ୍ଷା ପାଇଁ କିଛି ଚାଉଳ ଆଣି ତଦନ୍ତ କରୁଥିବା ଜଣାପଡିଛି । ଉକ୍ତ ଟ୍ରକ ରେ ପ୍ରାୟ ୪ ଶହରୁ ଅଧିକ ବସ୍ତା ଚାଉଳ ଥିବା ଜଣାପଡିଛି । ତେବେ ପିଡ଼ିଏସ ଚାଉଳ ରିସାଇକ୍ଲିଙ୍ଗ ପାଇଁ ଚାଲାଣ ହେଉଥିବା ସନ୍ଦେହ କରାଯାଉଛି । ଚାଉଳ କେଉଁଠାରୁ ଆସୁଥିଲା ଓ କେଉଁଠାକୁ ଯାଉଥିଲା, ତାର ଅସଲ ମାଲିକ କିଏ ତଦନ୍ତ ପରେ ଜଣାପଡିବ ବୋଲି ଥାନା ଅଧିକାରୀ ଓ ବ୍ଲକ ଯୋଗାଣ ଅଧିକାରୀ ସୂଚନା ଦେଇଛନ୍ତି ।