ମୁଖିଗୁଡ଼ା, (ଶେଷଦେବ ବେହେରା) : ରାଜପୁତ କ୍ଷତ୍ରିୟ ପାଇକ ସମାଜ, ମୁଖିଗୁଡା ପଲ୍ଲୀର ସମାଜ ଭବନ ଶୁଭ ପ୍ରତିଷ୍ଠା ଦିବସ ସମାରୋହ ହୋଇଯାଇଛି । ମୁଖିଗୁଡା ସରପଞ୍ଚ ଶ୍ରୀମତି ଜୟନ୍ତୀ ମହଲିକଙ୍କ କରକମଳରେ ଉଦ୍ଘାଟିତ ହୋଇଯାଇଛି । ଏହି କାର୍ଯ୍ୟକ୍ରମରେ ପଲ୍ଲୀ ସଭାପତି ସତ୍ୟାନନ୍ଦ ମହାଲିକ, ସମ୍ପାଦକ ଜଗବନ୍ଧୁ ବିଶି, କୋଷାଧ୍ୟକ୍ଷ ରଜନୀ କାନ୍ତ ମହାଲିକ ଏବଂ ଦୂର୍ଯ୍ୟୋଧନ ଚିନ୍ଦା ତଥା ମୁଖିଗୁଡା ପାଇକ ସମାଜର ଶତାଧିକ ବନ୍ଧୁ ସାମିଲ ହୋଇଥିଲେ । ସତ୍ୟ ବାରିକ ଓ ଶ୍ରୀମତି ସନ୍ତୋଷି ବାରିକ ଗୃହ ପ୍ରତିଷ୍ଠା ପୂଜନର କର୍ତ୍ତା ଦାୟିତ୍ଵ ସମ୍ପାଦନ କରିଥିଲେ । ପଲ୍ଲୀର ଯୁବ ଗୋଷ୍ଠୀ ଏହି କାର୍ଯ୍ୟକ୍ରମରେ ସକ୍ରିୟ ସହଯୋଗ କରିଥିଲେ । ଏହି ଭବନ ସମାଜର ଅନେକ ବିକାଶ ମୂଳକ ଆଲୋଚନା ତଥା ସାମାଜିକ କାର୍ଯ୍ୟକ୍ରମ ପାଇଁ ସହାୟକ ହେବ ବୋଲି ମୁଖ୍ୟ ଅତିଥି ମତ ପ୍ରକାଶ କରିଥିଲେ । ଶେଷରେ ସମସ୍ତଙ୍କୁ ଅନ୍ନ ପ୍ରସାଦ ପ୍ରଦାନ କରାଯାଇଥିଲା ।