ସୋହେଲା, (କେପିଏନ୍ଏସ୍) : ସୋହେଲା ବ୍ଲକ କାପୁଡି ସମାଜ ତରଫରୁ ଗର୍ଭଣାଠାରେ ହିଙ୍ଗୁଳାଙ୍କ ବାର୍ଷିକ ପୂଜନୋତ୍ସବ ଅନୁଷ୍ଠିତ ହୋଇଯାଇଛି । ଏହି ଅବସରରେ ଅନୁଷ୍ଠିତ କାର୍ଯ୍ୟକ୍ରମରେ ବୈଦ୍ୟରାଜ ଶ୍ରୀମୁଖ ନାଏକ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ ସୁବ୍ରତ ସିଂ, ସମ୍ମାନିତ ଅତିଥି ଭାବେ ଗିରିଜା ଶଙ୍କର ଆଚାର୍ଯ୍ୟ, ମୁଖ୍ୟବକ୍ତା ଭାବେ ଟେକଚାନ୍ଦ ଦୁଆନ ଯୋଗଦେଇଥିଲେ । ଏହି ଅବସରରେ ପ୍ରକୃତି ବନ୍ଧୁ ରାମଚନ୍ଦ୍ର ସାହୁ, ମଞ୍ଚ କଳାକାର ଭୂବନ ଭୋଇଙ୍କୁ ସମ୍ବର୍ଦ୍ଧିତ କରାଯାଇଥିଲା । ମନ୍ଦିରରେ ଚଣ୍ଡିପାଠ ସହ ହୋମଯଜ୍ଞ ବିଧି ବିଧାନରେ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମ ପରିଚାଳନାରେ ସୁଧିର ଚନ୍ଦ୍ର ନାଏକ, ସୁଦାମ ନାଏକ, ଅକ୍ଷୟ ନାଏକ, ସୁଧୀର ନାଏକ ସହଯୋଗ କରିଥିଲେ ।