ବଲାଙ୍ଗିର, (କେପିଏନ୍ଏସ୍) : ଚାଉଳ ଦୁର୍ନୀତିକୁ ନେଇ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା କଂଗ୍ରେସ କର୍ମୀଙ୍କୁ ନେଇ ସ୍ଥାନୀୟ ଜିଲ୍ଲାପାଳ ଅଫିସ ସମ୍ମୁଖରେ ଗର୍ଜିଛନ୍ତି । ବଲାଙ୍ଗିର ଜିଲ୍ଳା ମୁରିବାହାଲ ବ୍ଲକରେ ଚାଉଳ ଦୁର୍ନୀତି ପ୍ରତିବାଦରେ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଥିବା ବେଳେ ଚାଉଳ ପରିବହନ ଠିକାଦାର ଟିକେଲାଲ ସାହୁ ଓ କବି ସାହୁ ଦୁର୍ନୀତିି କରୁଥିବା ଅଭିଯୋଗ କରି ସେମାନଙ୍କୁ ଗିରଫ କରିବା ପାଇଁ ଦାବୀ କରିଛି କଂଗ୍ରେସ ଦଳ । କଣ୍ଟାବାଞ୍ଜି ବିଧାୟକ ଶ୍ରୀ ସାଲୁଜାଙ୍କ ନେତୃତ୍ୱରେ ଆଜି ଶତାଧିକ କଂଗ୍ରେସ କର୍ମୀ ଧାରଣା ଦେବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି । ଦୋଷୀଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଜିଲ୍ଲାପାଳଙ୍କୁ ଏକ ଦାବୀପତ୍ର ମଧ୍ୟ ଏହି ଅବସରରେ ପ୍ରଦାନ କରିଛନ୍ତି ।