ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ବ୍ଲକ ଅନ୍ତର୍ଗତ ବାନ୍ଧନଘୋର ନିବାସୀ ଧର୍ମପ୍ରାଣା ମହିଳା କେତକୀ ତ୍ରିପାଠୀଙ୍କ ୮୪ ବର୍ଷ ବୟସରେ ପରଲୋକ ଘଟିଛି । ସେ ଜଣେ ମିଷ୍ଟଭାଷୀ, ପରୋପକାରୀ, ତଥା ସ୍ନେହୀ ବ୍ୟକ୍ତିତ୍ୱ ଭାବରେ ସାଇ ପଡିଶା ତଥା ଅଂଚଳରେ ପରିଚିତ ଥିଲେ । ସ୍ୱର୍ଗତ ସ୍ୱାମୀ ଆଦର୍ଶ ଶିକ୍ଷକ , ଲେଖକ ତଥା ସଂକୀର୍ତ୍ତନ ଗୁରୁ ଦିଲ୍ଲେଶ୍ୱର ତ୍ରିପାଠୀଙ୍କ ପ୍ରେରଣାଦାତ୍ରୀ ଭାବେ ରହି ବାନ୍ଧନଘୋର ଠାରେ ନିଜ ଉଦ୍ୟମରେ ଭବ୍ୟ ଶ୍ରୀରାମ ମନ୍ଦିର ସ୍ଥାପନା କରିଛନ୍ତି । ମୃତ୍ୟୁଶଯ୍ୟା ନିକଟରେ ପୁତ୍ର ମଳୟ, ପ୍ରଣୟ ,ଅବ୍ୟୟ, ସଞ୍ଜୟ, ମନ୍ମୟ ଓ ଶ୍ରୀମୟ ପତ୍ରବଧୂ ଜୟନ୍ତୀ, ବିଜୟିନୀ, ମଞ୍ଜୁଲତା,ନୀହାରିକା, ରୀତା ତଥା ନାତି ନାତୁଣୀ, ବନ୍ଧୁ ପରିଜନ ଉପସ୍ଥିତ ଥିଲେ । ଗ୍ରାମ ତଥା ଆଖପାଖର ବହୁ ବ୍ୟକ୍ତି ଓ ମହିଳା ଶବାଧାରରେ ଯୋଗଦେଇ ଅଶ୍ରୁଳ ବିଦାୟ ଦେଇ ଶେଷ ଦର୍ଶନ କରିଥିଲେ । ଗ୍ରାମ ଶ୍ମଶାନରେ ଶେଷ କୃତ୍ୟ ହୋଇଥିବା ବେଳେ ଜ୍ୟେଷ୍ଠ ପୁତ୍ର ମଳୟ ଆନନ୍ଦ କୁମାର ତ୍ରିପାଠୀ ମୁଖାଗ୍ନି ଦେଇଥିଲେ ।