ଲୋଇସିଂହା, (କେପିଏନ୍ଏସ୍) : ଲୋଇସିଂହା ଅଗ୍ରସେନ ଭବନ ଠାରେ ସ୍ଥାନୀୟ ସିନିୟର ସିଟିଜନ ଆସେମ୍ବଲିର କାର୍ୟ୍ୟକାରୀ କମିଟି ବୈଠକ ସଭାପତି ଧର୍ମସିଂ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବୈଠକରେ ସ୍ଥାନୀୟ ଅଞ୍ଚଳର ବହୁବିଧ ସମସ୍ୟା ନେଇ ଆଲୋଚନା କରାଯାଇଥିଲା । ଲୋଇସିଂହା ବସଷ୍ଟାଣ୍ଡ ଠାରୁ ବସ୍ତିକୁ ଯିବା ରାସ୍ତାରେ ରେଳ ବିଭାଗ ତରଫରୁ ଭୂତଳ ରାସ୍ତା ନିର୍ମାଣ କରାଯାଉଛି । ସେଠାରୁ ରେଳଷ୍ଟେସନ ମାତ୍ର ଅଧ କିମି ଦୂର ଥିବାରୁ ଏକ ସଂଯୋଗୀକରଣ ରାସ୍ତା ନିର୍ମାଣ ସକାଶେ ବିଭାଗୀୟ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ କୌଣସି ସୁଫଳ ମିଳି ନଥିବାରୁ ବୈଠକରେ କ୍ଷୋଭ ପ୍ରକାଶ ପାଇଥିଲା । ସ୍ଥାନୀୟ ଡାକ୍ତରଖାନାରେ ସ୍ତ୍ରୀ ଓ ପ୍ରସୂତୀ ରୋଗ ବିଶେଷଜ୍ଞ ଡାକ୍ତର ନ ଥିବାରୁ ଖୁବ ଶୀଘ୍ର ଡାକ୍ତର ନିଯୁକ୍ତି ପାଇଁ ଦାବି ହୋଇଥିଲା । ବୈଠକରେ ସମ୍ପାଦକ ଗଜାନନ ଅଗ୍ରୱାଲ, ବିଭୁତି ଭୂଷଣ ସାହାଣୀ, ରାମଚନ୍ଦ୍ର ପଟେଲ, ବିଶ୍ଵନାଥ ଭୂୟାଁ, ସମାରୁ ପଧାନ, ଗୌରଚରଣ ନାଏକ ପ୍ରମୁଖ ଉପସ୍ଥିତ ଥିବା ବେଳେ ପଞ୍ଚୁ ସା ଧନ୍ୟବାଦ ଅର୍ପଣ କରିଥିଲେ ।