ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକର ନୂତନ ବିଡ଼ିଓ ରୂପେ ଯୋଗଦେଇଥିବା ଶ୍ରୀମତୀ ବାସନ୍ତୀ ସେଠୀଙ୍କୁ ବୁଧବାର ବ୍ଲକର ଅଗ୍ରଣୀ ସଂଗଠନ ମୁରିବାହାଲ ବ୍ଲକ ବିକାଶ ମଞ୍ଚ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଜଣାଇବା ସହ ସୌଜନ୍ୟମୂଳକ ସାକ୍ଷାତ ଆଲୋଚନା କରାଯାଇଥିଲା । ବିକାଶ ମଞ୍ଚ ସଭାପତି ଫାଲଗୁନୀ ହାତୀଙ୍କ ନେତୃତ୍ୱରେ ମଞ୍ଚର କର୍ମକର୍ତ୍ତା ଏହି ଅବସରରେ ନୂତନ ବିଡ଼ିଓଙ୍କୁ ବ୍ଲକ ଅଞ୍ଚଳର ବିଭିନ୍ନ ସମସ୍ୟା, ହିତାଧିକାରୀମାନେ ସମ୍ମୁଖୀନ ହେଉଥିବା ଅନ୍ୟାନ୍ୟ ଅସୁବିଧା ସମ୍ପର୍କରେ ଅବଗତ କରି ଏହାର ସମାଧାନ କରିବାକୁ ଅନୁରୋଧ କରିଥିଲେ । ଆଗାମୀ ଦିନରେ ବିକାଶ ମଞ୍ଚ ସହ ସମସ୍ତଙ୍କ ସହଯୋଗରେ ବ୍ଲକ ଅଞ୍ଚଳର ସମସ୍ତ ପ୍ରକାରର ସମସ୍ୟା ସମାଧାନ କରିବାକୁ ଚେଷ୍ଟା କରାଯିବ ବୋଲି ନୂତନ ବିଡ଼ିଓ ଶ୍ରୀମତୀ ସେଠୀ ବିକାଶ ମଞ୍ଚକୁ ପ୍ରତିଶୃତି ଦେଇଥିଲେ । ଏହି ସାକ୍ଷାତ ଆଲୋଚନା ସମୟରେ ବିକାଶ ମଞ୍ଚ ସାଧାରଣ ସମ୍ପାଦକ ଥବୀର ସା, ଅଶୋକ କୁମାର ପଧାନ, ମନୁ ହଂସ, ପିଙ୍କୁ ବାଗ, ବିରଞ୍ଚି ଗହୀର, ବିଷ୍ଣୁ ବାଗ, ତରୁଣ ନାୟକ, ଅଶୋକ ଭୋଇ ଓ ଭାଗ୍ୟ ମାହାକୁରଙ୍କ ସହ ବିକାଶ ମଞ୍ଚର ବହୁ ସଦସ୍ୟ ଉପସ୍ଥିତ ଥିଲେ ।