ଶାହାଜାହାନପୁର : ୟୁପିର ଶାହାଜାହାନପୁର ଜିଲ୍ଲାରେ ଏକ ବିଚିତ୍ର ଘଟଣା ସାମ୍ନାକୁ ଆସିଛି । ବ୍ୟାଣ୍ଡବାଜାର ଦେୟକୁ ନେଇ ବର ଏବଂ କନ୍ୟା ପକ୍ଷ ମଧ୍ୟରେ ବିବାଦ ଦେଖାଦେବା ପରେ, ବିବାଦ ଏତେ ବଢ଼ିଗଲା ଯେ, ଉଭୟ ପକ୍ଷ ମୁହାଁମୁହିଁ ହୋଇ ଯାଇଥିଲେ । ବର ଏ ବିଷୟରେ ଜାଣିବା ମାତ୍ରେ ବିବାହ କରିବାକୁ ମନା କରିଦେଇଛନ୍ତି । ଶେଷରେ ମାମଲା ପୋଲିସ ପାଖରେ ପହଞ୍ଚିଥିଲା । ସମାଧାନ ପାଇଁ ପ୍ରୟାସ କରାଯାଇଥିଲା, କିନ୍ତୁ କିଛି ସଫଳ ମିଳିପାରିଲା ନାହିଁ । ବାହା ନହୋଇ ଫେରିଯାଇଥିଲା ବର ।
ଶାହାଜାହାନପୁର ଜିଲ୍ଲାର ମିର୍ଜାପୁର ଅଞ୍ଚଳର ଏହି ଘଟଣା । ଫାରୁଖାବାଦର କାମ୍ପିଲ କସ୍ବା ନିବାସୀ ଧର୍ମେନ୍ଦ୍ରଙ୍କ ବରଯାତ୍ରୀ ସୋମବାର ଦିନ ମିର୍ଜାପୁରକୁ ଆସିଥିଲା । ଏହି ବର ଶୋଭାଯାତ୍ରାରେ ଅନେକ କାର୍ଯ୍ୟକ୍ରମ ସମାପ୍ତ ହେବା ପରେ, ଯେତେବେଳେ ବ୍ୟାଣ୍ଡ ସଦସ୍ୟମାନେ ବର ପାର୍ଶ୍ୱରୁ ସେମାନଙ୍କ ଦେୟ ମାଗିଥିଲେ, ବର ପକ୍ଷ ଦେୟ ଦେବାକୁ ମନା କରିଦେଇଥିଲେ ଓ କହିଥିଲେ କନ୍ୟା ପକ୍ଷ ସେମାନଙ୍କୁ ଟଙ୍କା ଦେବେ । ଏହି ପ୍ରସଙ୍ଗରେ ଉଭୟ ପକ୍ଷ ମଧ୍ୟରେ ବିବାଦ ଲାଗିଲା । ଏହି ସମୟରେ ବର ଧର୍ମେନ୍ଦ୍ର ତାଙ୍କ ବେକରେ ପଡ଼ିଥିବା କନ୍ୟାର ବରଣ ମାଳାକୁ ଛିଣ୍ଡାଇ ଛିଡ଼ା ହୋଇ ଯାଇଥିଲେ । ଏହାପରେ ଉଭୟ ପକ୍ଷ ମୁହାଁମୁହିଁ ହୋଇ ଯାଇଥିଲେ । ଶେଷରେ ବାହା ନହୋଇ ଫେରିଯାଇଥିଲା ବର ।