ଲକ୍ଷ୍ନୌ : ମୋବାଇଲ ଫୋନରେ ରିଲ୍ସ ଦେଖି ଜଣେ ପଞ୍ଚମ ଶ୍ରେଣୀର ଛାତ୍ର ଆତ୍ମହତ୍ୟା କରିଛନ୍ତି । ଏଭଳି ଏକ ଅଭାବନୀୟ ଘଟଣା ଘଟିଛି ଉତ୍ତରପ୍ରଦେଶର ହମିରପୁର ଜିଲ୍ଲାରେ । ସହରର ୱାର୍ଡ ନମ୍ବର ୧୮ ରବୀନ୍ଦ୍ରନାଥ ଟାଗୋର ନଗରର ବାସିନ୍ଦା ଅବଧେଶ ସାହୁଙ୍କ ପୁଅ ନିଖିଲ (୧୧) ସହରର ଏକ ସରକାରୀ ବିଦ୍ୟାଳୟରେ ପଞ୍ଚମ ଶ୍ରେଣୀର ଛାତ୍ର ଥିଲେ । ତାଙ୍କ ବାପା କହିଛନ୍ତି ଯେ, ଅପରାହ୍ନ ୨ଟା ପରେ ସ୍କୁଲରୁ ଫେରିବା ପରେ ସେ ଘରେ ଥିବା ସୋଫାରେ ବସି ମୋବାଇଲରେ ରିଲ୍ସ ଦେଖୁଥିଲେ । ତାଙ୍କୁ ଫ୍ୟାନ୍ରେ ଝୁଲୁଥିବାର ଦେଖି ପରିବାର ସଦସ୍ୟ ତାଙ୍କୁ ଡାକ୍ତରଖାନା ନେଇଥିଲେ । ସେଠାରେ ଡାକ୍ତରମାନେ ତାଙ୍କୁ ଦେଖିବା ମାତ୍ରେ ତାଙ୍କୁ ମୃତ ଘୋଷଣା କରିଥିଲେ ।