ଚେନ୍ନାଇ, (କେପିଏନ୍ଏସ୍) : ଭାରତୀୟ କ୍ରିକେଟ୍ ଜଗତର ମହାନ ଅଧିନାୟକ ମହେନ୍ଦ୍ର ସିଂ ଧୋନୀ ଗତ ଶନିବାର ଦିନ ଆନ୍ତର୍ଜାତୀୟ କ୍ରିକେଟ୍ରୁ ଅବସର ନେବା ସଂପର୍କରେ ଘୋଷଣା କରିଥିବା ବେଳେ ସୋସିଆଲ ମିଡ଼ିଆରେ ଭିଡ଼ିଓ ସେଆର୍ କରି ତାଙ୍କ ଘୋଷଣା ସ୍ପଷ୍ଟ କରିଛନ୍ତି । ତେବେ ତାଙ୍କୁ ପ୍ରଚୂର ଭଲ ପାଉଥିବା ତଥା ପ୍ରଶଂସା କରୁଥିବା ସମସ୍ତ ଭାରତୀୟଙ୍କୁ ସେ ଧନ୍ୟବାଦ ଜଣାଇଛନ୍ତି । ସୂଚନାଯୋଗ୍ୟ ଯେ, ଏହା ପୂର୍ବରୁ ଧୋନୀ ଟେଷ୍ଟ କ୍ରିକେଟ୍ରୁ ଅବସର ଘୋଷଣା କରି ସାରିଥିଲେ ।