ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ପୁରୀ ଜିଲ୍ଲା ଡେଲାଙ୍ଗ ତହସିଲ ଅନ୍ତର୍ଗତ ଅରିସଲ ଗ୍ରାମର ଆଶିଷ କୁଅଁର(୫୨)ଙ୍କୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୧୦ ହଜାର ଟଙ୍କାର ସହାୟତା ପୁରୀ ଜିଲ୍ଲାପାଳଙ୍କ ନିଦ୍ଦେର୍ଶରେ ଡେଲାଙ୍ଗ ତହସିଲଦାର ମହେନ୍ଦ୍ର କୁମାର ବଢେଇ ପ୍ରଦାନ କରିଛନ୍ତି । ସୂଚନା ଯୋଗ୍ୟ ଯେ, ଆଶିଷ ରାଜମିସ୍ତ୍ରୀ ଭାବେ କାର୍ଯ୍ୟ କରି ପରିବାର ଭରଣ ପୋଷଣ କରନ୍ତି । ଦୀର୍ଘଦିନ ହେବ ମସ୍ତିଷ୍କରେ ଟ୍ୟୁମର ପାଇଁ ଅସୁସ୍ଥତା ଭିତରେ ଘରେ ଶଯ୍ୟା ସାଇ ହୋଇ ପଡିରହିଛନ୍ତି । ଗୋଟେ ପଟେ ଚିକିତ୍ସାରେ ଅର୍ଥ ସାଜିଛି ବାଧକ । ପରିବାରର ଏକମାତ୍ର ରୋଜଗାରକ୍ଷମ ବ୍ୟକ୍ତି ହୋଇଥିବାରୁ ପରିବାର ଭରଣ ପୋଷଣ ଓ ଚଳିବା ପାଇଁ କଷ୍ଟକର ହୋଇପଡିଛି । ଠିକ୍ ଏତିକି ବେଳେ ପୁରୀ ଜିଲ୍ଲାପାଳଙ୍କ ନିଦ୍ଦେର୍ଶରେ ଡେଲାଙ୍ଗ ତହସିଲଦାର ଶ୍ରୀ ବଢେଇ ଆଶିଷଙ୍କ ଚିକିତ୍ସା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ସହାୟତା ପ୍ରଦାନ କରିଛନ୍ତି । ଆବଶ୍ୟକ ପଡିଲେ ଚିକିତ୍ସା ପାଇଁ ଅଧିକ ସାହାଯ୍ୟ କରିବା ପାଇଁ ପରିବାର ଲୋକଙ୍କୁ ତହସିଲଦାର ପ୍ରତିଶୃତି ଦେଇଛନ୍ତି ।