ପଦ୍ମପୁର, (ନିରୋଜ କୁମାର ପାଣୀ) : ପାଇକମାଲ ସ୍ଥିତ ଶ୍ରୀ ଶ୍ରୀ ରମେଶ୍ୱର ରାମଚଣ୍ଡି ମନ୍ଦିର, ନୃସିଂନାଥ ପରିସର ମଧ୍ୟରେ କୁଲିତା ସମାଜ ଯୁବ ସଂଗଠନ ତରଫରୁ ଆସନ୍ତା ଏପ୍ରିଲ ମାସ ୨୬ ତାରିଖରୁ ୨୮ତାରିଖ ପର୍ୟ୍ୟନ୍ତ ୩ ଦିନ ଧରି ଶ୍ରୀ ଶ୍ରୀ ରମେଶ୍ୱର ରାମଚଣ୍ତିଙ୍କ ଚୈତ୍ର ପୂଜା ମହୋତ୍ସବ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଏହି ପ୍ରସ୍ତୁତି ବୈଠକରେ କରମୁ ବିଶ୍ୱାଳ ସଭାପତିତ୍ୱ କରିଥିଲେ । ବିଭିନ୍ନ ସମସ୍ୟା ଓ ମନ୍ଦିରର ଉନ୍ନତି ତଥା ଚଳିତ ଚୈତ୍ର ପୂଜା ମହୋତ୍ସବ ମହା ଆଡମ୍ବରରେ କଳସ ଯାତ୍ରା ତଥା ବହୁ ସଂଖ୍ୟାରେ କିପରି ଜାତି ଭାଇମାନେ ଯୋଗଦାନ କରି ପାରିବେ ଓ ବିଭିନ୍ନ ପ୍ରକାର ସଂସ୍କୃତିକ କାର୍ୟ୍ୟକ୍ରମ ମାନ ଅନୁଷ୍ଠିତ ହେବ ବୋଲି ସଭାରେ ମତ ପ୍ରକାଶ ପାଇଥିଲା । ଏଥିରେ ଯୋଗେନ୍ଦ୍ର ଭୋଇ, ଡବୁଲୁ ବାରିକ, ଭୁବନେଶ୍ୱର ସାହା, ବିଜୟ ପ୍ରଧାନ, ଅଶୋକ ପ୍ରଧାନ, ଦିବାକର ଗଡତିଆ, ଶରତ ବାରିକ, ଚିତ୍ତ ଭୋଇ, ଗୋକୁଳ ପ୍ରଧାନ, ଡୋଲାମଣି ବଢେଇ, ପିଣ୍ଟୁ ଭୋଇ ପ୍ରମୁଖ ଉପସ୍ଥିତ ରହିଥିଲେ । ଶେଷରେ ପୁରୁଷୋତ୍ତମ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।