ତୁଷୁରା, (କେପିଏନ୍ଏସ୍) : ସରକାରୀ ବାଳକ ଉଚ୍ଚ ପ୍ରାଥମିକ ବିଦ୍ୟାଳୟ ତୁଷୁରା ଠାରେ ପବିତ୍ର ଶିଶୁ ଦିବସ ପ୍ରଧାନ ଶିକ୍ଷକ ହେମନ୍ତ କୁମାର ଦାଶଙ୍କ ଅଧ୍ୟକ୍ଷତାରେ ମହାସମାରୋହରେ ପାଳିତ ହୋଇଯାଇଛି । ଏଥିରେ ବିଶିଷ୍ଟ ସମାଜ ସଂସ୍କାରକ ରାଧାରମଣ କେଡିଆ ମୁଖ୍ୟ ଅତିଥି ଭାବେ ଯୋଗଦେଇ ଶିଶୁମାନଙ୍କୁ ଦେବତୂଲ୍ୟ ଅମୃତ ସନ୍ତାନ ଓ ଏମାନଙ୍କର ଉନ୍ନତିରେ ଦେଶର ପ୍ରଗତି ନିର୍ଭର କରେ ବୋଲି ମତପୋଷଣ କରିଥିଲେ । ବିଶିଷ୍ଟ ଅତିଥି ଭାବେ ବିଶିଷ୍ଟ ସମାଜସେବୀ ଜଗଦୀଶ କେଡିଆ ଯୋଗ ଦେଇଥିବାବେଳେ ସନ୍ତୋଷ କେଡିଆ ମୁଖ୍ୟବକ୍ତା ଭାବେ ଯୋଗଦେଇ ଶିଶୁମାନଙ୍କ ମନରେ ସମ୍ଭାବନାର ମନ୍ତ୍ର ଫୁଙ୍କିଥିଲେ । ସମ୍ମାନିତ ଅତିଥି ଭାବେ ଶ୍ୟାମ ପ୍ରସାଦ କେଡିଆ, ଗୋକୁଲ କେଡିଆ, ପଦମ୍ କେଡିଆ, ସାଉଁରିଆ କେଡିଆ, ଭକ୍ତ ପ୍ରସାଦ କେଡିଆ, ଉଷା କେଡିଆ ମୀରା କେଡିଆ(କ), ମୀରା କେଡିଆ (ଖ), ପ୍ରଭା କେଡିଆ, ରାଧିକା କେଡିଆ, ସାଉଁରିଆ ଜୈନ ଓ ଗୋପାଳ ଶାମଲ ଯୋଗ ଦେଇଥିଲେ । ଯୁବ ବ୍ୟବସାୟୀ ବିଭୋର କେଡିଆ ଓ ଭାବନା କେଡିଆଙ୍କ ସୁପୁତ୍ରୀ ୟୁକ୍ତି କେଡିଆଙ୍କ ପ୍ରଥମ ଜନ୍ମ ଦିନ ମଧ୍ୟ ଶିଶୁଙ୍କ ଗହଣରେ ପାଳିତ ହୋଇଥିଲା । ଏହି ଶୁଭ ଅବସରରେ ଶିଶୁମାନଙ୍କୁ ତିଥି ଭୋଜନ ପରିବେଷଣ କରାଯାଇଥିଲା । ଶିଶୁ ମାନଙ୍କ ମଧ୍ୟରେ ପ୍ରତିଯୋଗୀ ମନୋଭାବ ସୃଷ୍ଟି ପାଇଁ ବକ୍ତୃତା, ଚିତ୍ରାଙ୍କନ, ଗୀତ, ନାଚ ପ୍ରଭୃତି ପ୍ରତିଯୋଗିତାମାନ କନିଷ୍ଠ ଓ ବରିଷ୍ଠ ବିଭାଗର ଆୟୋଜନ କରାଯାଇଥିଲା । ସହକାରୀ ଶିକ୍ଷୟିତ୍ରୀ ରଞ୍ଜିତା ନାଗ, ବିନ୍ଦୁ ମହାଣା, ଆକାଂକ୍ଷା ରାଣୀ ଯୋଶୀ ଏବଂ ରୋଷେଇୟା ଗୀତା ଦର୍ଜୀ ଓ ଗୁଣମତୀ ମହାଲିଙ୍ଗ ସହଯୋଗ କରିଥିଲେ । ଗାୟତ୍ରୀ ପରିବାର, ବଜରଙ୍ଗ ଦଳ ଓ ପତିତପାବନ ପଡା ୟୁଥ୍ କ୍ଲବ ମଧ୍ୟ ସଂପୂର୍ଣ୍ଣ ସହଯୋଗ କରିଥିଲେ । ଶେଷରେ ବରିଷ୍ଠ ସହକାରୀ ଶିକ୍ଷୟିତ୍ରୀ ପ୍ରଶାନ୍ତି ଦାସ ଧନ୍ୟବାଦ ଅର୍ପଣ କରିଥିଲେ ।