ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହର ରୁଗୁଡିପଡା ବାସିନ୍ଦା ତଥା ପୁର୍ବତନ ଶାରୀରିକ ଶିକ୍ଷା ନିରୀକ୍ଷକ ଗୋବିନ୍ଦ ଚନ୍ଦ୍ର ନାୟକଙ୍କ ୮୭ ବର୍ଷ ବୟସରେ ଗତ ଶୁକ୍ରବାର ରାତିରେ ରୁଗୁଡିପଡା ବାସଭବନରେ ପରଲୋକ ହୋଇଯାଇଛି । ସ୍ୱର୍ଗତ ନାୟକ ଜଣେ ଦକ୍ଷ ଶିକ୍ଷା ନିରୀକ୍ଷକ ଭାବେ ବଲାଙ୍ଗିର ତଥା ଆଖପାଖ ଅଂଚଳରେ ବେଶ ଜଣାଶୁଣା ଓ ଲୋକପ୍ରିୟ ଥିଲେ । ମୃତ୍ୟୁ ଶଯ୍ୟାରେ ପରିବାର ସଦସ୍ୟମାନେ ଉପସ୍ଥିତ ରହିଥିଲେ । ପୁତ୍ର ବିଜନ କୁମାର ନାୟକ ମୁଖାଗ୍ନି ଦେଇଥିଲେ । ତାଙ୍କ ମୃତ୍ୟୁରେ ରୁଗୁଡିପଡା ତଥା ସହରରେ ଶୋକର ଛାୟା ଖେଳିଯିବା ସହ ଅମର ଆତ୍ମାର ସତଗତି କାମନା କରାଯାଇଛି ।