ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲା ବଙ୍ଗୋମୁଣ୍ଡା ବଜାର ପ୍ରାଙ୍ଗଣ ସନ୍ନିକଟ ସାର୍ବଜନୀନ ଖେଳପଡିଆ ଠାରେ ସ୍ୱାମୀ ବିବେକାନନ୍ଦ ପାଠାଗାର ଓ ଆଥଲେଟିକ ଆସୋସିଏସନ ଦ୍ୱାରା ଆୟୋଜିତ ବଙ୍ଗୋମୁଣ୍ଡା ନକଆଉଟ ଫୁଟବଲ ଟୁର୍ଣ୍ଣାମେଣ୍ଟ ଆଜି ତୃତୀୟ ଦିନରେ ପହଂଚିଛି । ଆୟୋଜିତ ତୃତୀୟ ଦିବସରେ ବଙ୍ଗୋମୁଣ୍ଡା ବ୍ଲକ ଭାଇସ ଚୈୟାରମ୍ୟାନ୍ ମାମରାଜ ଜୈନ, ବଙ୍ଗୋମୁଣ୍ଡା ସରପଂଚ ସୁଶାନ୍ତ କୁମାର ଯୋଶୀ ପ୍ରମୁଖ ଯୋଗଦେଇ ଖେଳାଳିଙ୍କୁ ଉତ୍ସାହିତ କରିଥିଲେ । ତୃତୀୟ ଦିନରେ କାନୁଟ ଓ ସିନ୍ଧେକେଲା ଦଳ ମଧ୍ୟରେ ଫୁଟବଲ ଖେଳ ଅନୁଷ୍ଠିତ ହୋଇଥିଲା । ଏଥିରେ କାନୁଟ ଦଳ ବିଜୟୀ ହୋଇଥିଲା । ରେଫରୀ ବିବତ୍ସ ମାଝୀ, ଶଶାଙ୍କ ଶେଖର ଦାସ ଯାଦବ, ବୈଷ୍ଣବ ତାଣ୍ଡି, ନବୀନ ସରାଫ ଖେଳ ପରିଚାଳନା କରିଥିଲେ । ଟୁର୍ଣ୍ଣାମେଣ୍ଟ ପରିଚାଳନାରେ ଡବଲୁ ହଂସ, ଦିବ୍ୟ ନାଏକ, ରଶ୍ମିକାନ୍ତ ସିନ୍ଦୁର, ଯଯାତି ସିନ୍ଦୁର, ସୁନିଶ ପ୍ରଧାନୀ, ସୁଜିତ ପ୍ରଧାନୀ, ଭରତ ନାଏକ, ମଣ୍ଟୁ ସରାଫ ପ୍ରମୁଖ ସହଯୋଗ କରିଥିଲେ ।