ନୂଆଦିଲ୍ଲୀ : ୨୦୨୦-୨୧ ଶିକ୍ଷାବର୍ଷରେ ୧୫ ପ୍ରତିଶତ ଶୁଳ୍କ ହ୍ରାସ କରିବାକୁ ଦିଲ୍ଲୀ ସରକାର ସମସ୍ତ ଘରୋଇ ବିଦ୍ୟାଳୟକୁ ନିର୍ଦ୍ଦେଶ ଦେଇଛନ୍ତି । କରୋନା ଅବଧିରେ ଆର୍ଥିକ ସଙ୍କଟର ସମ୍ମୁଖୀନ ହେଉଥିବା ପିତାମାତାଙ୍କୁ ଆଶ୍ୱସ୍ତ ପ୍ରଦାନ ପାଇଁ ଦିଲ୍ଲୀ ସରକାର ଏହି ପଦକ୍ଷେପ ନେଇଛନ୍ତି । ସ୍ପଷ୍ଟ ଭାବରେ କୁହାଯାଇଛି ଯେ, ଯଦି ୨୦୨୦-୨୧ ଆର୍ଥିକ ବର୍ଷରେ ବିଦ୍ୟାଳୟର ମାସିକ ଶୁଳ୍କ ୩୦୦୦ ଟଙ୍କା, ତେବେ ବିଦ୍ୟାଳୟ ଏଥିରେ ୧୫ ପ୍ରତିଶତ କାଟିବା ପରେ ପିତାମାତାଙ୍କଠାରୁ ମାତ୍ର ୨୫୫୦ ଟଙ୍କା ଆଦାୟ କରିବ ।
ବିଦ୍ୟାଳୟଗୁଡ଼ିକୁ ନିର୍ଦ୍ଦେଶ ଦିଆଯାଇଛି ଯେ, ଯଦି ବିଦ୍ୟାଳୟଗୁଡ଼ିକ ଅଭିଭାବକମାନଙ୍କଠାରୁ ଅଧିକ ଫି ନେଇଛନ୍ତି, ତେବେ ବିଦ୍ୟାଳୟଗୁଡ଼ିକୁ ଫି ଫେରସ୍ତ କରିବାକୁ ପଡ଼ିବ କିମ୍ବା ପରବର୍ତ୍ତୀ ସମୟରେ ଅଧିକ ଫି ଆଡ୍ଜଷ୍ଟ କରିବାକୁ ପଡ଼ିବ । ଉପ-ମୁଖ୍ୟମନ୍ତ୍ରୀ ମନୀଷ ସିସୋଡିଆ କହିଛନ୍ତି ଯେ, କରୋନା ଅବଧି ସମୟରେ ଯେତେବେଳେ ସମସ୍ତ ପିତାମାତା ଆର୍ଥିକ ସଙ୍କଟର ସମ୍ମୁଖୀନ ହେଉଛନ୍ତି, ସେତେବେଳେ ଦେୟ ୧୫ ପ୍ରତିଶତ ହ୍ରାସ, ସେମାନଙ୍କ ପାଇଁ ଏକ ଆଶ୍ୱସ୍ତିର ବିଷୟ ହେବ ।
ସିସୋଡିଆ କହିଛନ୍ତି ଯେ ପିତାମାତାଙ୍କ ଆର୍ଥିକ ପ୍ରତିବନ୍ଧକ ହେତୁ ବକେୟା ଦେୟ ପ୍ରଦାନ ନକରିବା କାରଣରୁ ବିଦ୍ୟାଳୟ ପରିଚାଳନା ଛାତ୍ରଛାତ୍ରୀଙ୍କୁ ବିଦ୍ୟାଳୟର କ ବମଗ୍ଧସଙ୍ଖସଗ୍ଧସରଗ୍ଦ ଣସି କାର୍ୟ୍ୟରେ ଭାଗ ନେବାକୁ ଅଟକାଇବ ନାହିଁ ।
କରୋନା ସମୟରେ ଲାଭ ଏବଂ ବ୍ୟବସାୟିକରଣକୁ ରୋକିବା ପାଇଁ ବେସରକାରୀ ବିଦ୍ୟାଳୟଗୁଡ଼ିକର ଶୁଳ୍କକୁ ୧୫ ପ୍ରତିଶତ ହ୍ରାସ କରିବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ହାଇକୋର୍ଟରେ ଆବେଦନ କରିଥିବା ସମସ୍ତ ୪୬୦ ବେସରକାରୀ ବିଦ୍ୟାଳୟ ପାଇଁ ଦିଲ୍ଲୀ ସରକାରଙ୍କ ଦ୍ୱାରା ନିର୍ଦ୍ଦେଶିତ ଏହି ଆଦେଶ ।
ଏହି ୪୬୦ ବିଦ୍ୟାଳୟ ବ୍ୟତୀତ, ଦିଲ୍ଲୀର ଅନ୍ୟ ସମସ୍ତ ବିଦ୍ୟାଳୟ ୧୮/୦୪/୨୦୨୦ ଏବଂ ୨୮/୦୪/୨୦୨୦ ରେ ଦିଲ୍ଲୀ ସରକାର ଦେଇଥିବା ଫି ସମ୍ବନ୍ଧୀୟ ନିର୍ଦ୍ଦେଶାବଳୀ ପାଳନ କରିବେ । କରୋନା ସମୟରେ ସମସ୍ତ ଛାତ୍ର ଏବଂ ଅଭିଭାବକମାନଙ୍କ ପାଇଁ ଦେୟ ହ୍ରାସ ଏକ ବଡ଼ ଆରାମ ।