କଳାହାଣ୍ଡି, (କେପିଏନ୍ଏସ୍) : ମ.ରାମପୁର ବ୍ଲକ୍ ଅନର୍ଗତ ମଦନପୁର ରାଜୀବଗାନ୍ଧୀ ସେବାକେନ୍ଦ୍ର ଠାରେ ନବାର୍ଡ ସହାୟତାରେ ମହାଶକ୍ତି ଫାଉଣ୍ଡେସନ ତରଫରୁ ଜଳ, ପରିମଳ ଓ ସ୍ୱଚ୍ଛତା ଉପରେ ଏକ ଦିନିକିଆ ତାଲିମ କାର୍ୟକ୍ରମ ଅନୁଷ୍ଠିତ ହୋଇ ଯାଇଅଛି । ଉକ୍ତ କାର୍ୟ୍ୟକ୍ରମରେ ମହାତ୍ମା ଗାନ୍ଧୀ ପ୍ରତିମୂର୍ତ୍ତି ତଳେ ଦୀପ ପ୍ରଜ୍ୱଳନ କରି ଆରମ୍ଭ କରିଥିଲେ । ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ରାଜେଶ ଧାଂଗଡ଼ାମାଝୀ , ସମ୍ମାନିତ ଅତିଥି ଭାବେ ସ୍ଵସ୍ଥ କର୍ମୀ ଆଦିତ୍ୟ ପଧାନ, ନାଏଵ ସରପଞ୍ଚ ସୁମିତ୍ରା ସାହୁ, ତାଲିମ ଦାତା ରୂପେ ପ୍ରଦିପ କୁମାର ସାହୁ ଉପସ୍ଥିତ ଥିବା ବେଳେ ମହାଶକ୍ତି ଫାଉଣ୍ଡେସନ ପ୍ରତିଷ୍ଠାତା ସଦସ୍ୟ ଜିତୁ ମହାପାତ୍ର ଓ ସମ୍ପାଦକ ଜଗାନନ୍ଦ ବେହେରା ସମ୍ପାଦନା କରିଥିଲେ । କାର୍ୟ୍ୟକ୍ରମରେ କୋଭିଡ ନିୟମ ଅନୁଯାୟୀ ସାମାଜିକ ଦୂରତା ,ମାସ୍କ ପରିଧାନ କରି ୪୦ ଜଣ ସ୍ୱୟଂ ସହାୟକ ଗୋଷ୍ଠୀ ସଦସ୍ୟ, ଗୋଷ୍ଠୀ ସମ୍ବଳ ମହିଳା, ପଂଚାୟତ ସ୍ତରୀୟ ମହାସଂଘ ଏମ୍.ବି.କେ. ମୋହନ ପ୍ରିୟା ନାୟକ, ୱାର୍ଡ ସଭ୍ୟ ତାଲିମ ନେଇଥିଲେ । ଜ୍ୟୋତିଷ ନାୟକ, ଜନ୍ମେଜୟ ବିଶ୍ୱାଳ ପ୍ରମୁଖ ସାହାଯ୍ୟ ସହଯୋଗ କରିଥିଲେ ।
