ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦରମହକୁମା ଛତ୍ରପୁର ସହରରୁ ପ୍ରତିନିଧିତ୍ଵ କରୁଥିବା ସମସ୍ତ ଖବରକାଗଜ ଓ ଇଲେକ୍ଟ୍ରୋନିସ ଗଣମାଧ୍ୟମ ପ୍ରତିନିଧିଙ୍କୁ ବିଜେପି ଛତ୍ରପୁର କାର୍ଯ୍ୟାଳୟ ପକ୍ଷରୁ କୋଭିଡ଼ ଯୋଦ୍ଧାଭାବେ ଉଚ୍ଛ୍ୱସିତର ସହ ସମ୍ମାନୀତ କରାଯାଇଛି । ଛତ୍ରପୁରର ସାମ୍ବାଦିକଙ୍କ ନିରପେକ୍ଷତା ଏବଂ କୋରନାର ପ୍ରଥମ ଓ ଦ୍ୱିତୀୟ ଲହରରେ ନିଜକୁ ବାଜି ଲଗାଇ ନିଜର କାର୍ଯ୍ୟ ସମ୍ପାଦନା କରି ଆସୁଥିବା ପ୍ରତ୍ୟେକ ବନ୍ଧୁଙ୍କ ଭୂୟସୀ ପ୍ରଶଂଶା କରି ବିଜେପି ଛତ୍ରପୁର ତରଫରୁ ଉପଢୌକନ ଦେଇ ସମ୍ମାନୀତ କରାଯାଇଛି । ଛତ୍ରପୁର ନିର୍ବାଚନ ମଣ୍ଡଳୀ ତରଫରୁ ପ୍ରତିନିଧିତ୍ଵ କରୁଥିବା ରାଜ୍ୟ କାର୍ଯ୍ୟକାରିଣୀ ସଦସ୍ୟ ପ୍ରଶାନ୍ତ କରଙ୍କ ପ୍ରତ୍ୟକ୍ଷ- ତତ୍ତ୍ୱାବଧାନରେ ଏହି କାର୍ଯ୍ୟକ୍ରମର ଆୟୋଜନ ହୋଇଥିଲା । ଗଞ୍ଜାମ ବ୍ଲକ୍ ଅଧ୍ୟକ୍ଷ ପ୍ରଶାନ୍ତ କୁମାର ନାୟକ ଏହି କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ଯୋଗଦେଇଥିବା ବେଳେ ପୂର୍ବତନ ଛତ୍ରପୁର ଉପ-ନଗରପାଳ ବସନ୍ତ ବେହେରା, ଦକ୍ଷ କର୍ମୀ ସଞ୍ଜିତ ରାଉଳ, ଅମରେଶ ମହାରଣା ପ୍ରମୁଖ ଏହି କୋଭିଡ଼ ଯୋଦ୍ଧା ସମ୍ବର୍ଦ୍ଧନା କାର୍ଯ୍ୟକ୍ରମରେ ସହଯୋଗ କରିଥିଲେ ।