ବୌଦ୍ଧ, (ବଂଶୀଧର ମାଝୀ) : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗିର ୫୭ ନମ୍ବର ଜାତୀୟ ରାଜପଥରୁ ଗତକାଲି ବିଳମ୍ବିତ ରାତିରେ ଲକ୍ଷାଧିକ ଟଙ୍କାର କପ୍ସିରପ୍ ଚୋରା ଚାଲାଣ ବେଳେ ଗୋଟିଏ ସ୍କୋର୍ପିଓ ସହ ଜଣଙ୍କୁ ଗିରଫ କରିଛି ପୋଲିସ । ସୂଚନା ଅନୁଯାୟୀ ଭୁବନେଶ୍ୱରରୁ ବଲାଙ୍ଗିରକୁ ଏକ ସ୍କୋର୍ପିଓ ଯୋଗେ କପ୍ସିରପ୍ ଚୋରା ଚାଲାଣ ହେଉଥିବା ନେଇ ପୁରୁଣାକଟକ ପୋଲିସ ଖବର ପାଇଥିଲା । ତେବେ ପୁଲିସ ପକ୍ଷରୁ ଚାରିଛକ-ପୁରୁଣାକଟକ ରାସ୍ତାରେ ଚେକିଂ ବେଳେ ଏହାକୁ ଧରିଥିଲା ପୋଲିସ । ଗାଡିରୁ ଏସକଫ କମ୍ପାନୀର ୧୬ ପେଟି କପ୍ସିରପ ଜବତ କରିବା ସହ ଜଣକୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତ ହେଲେ ନୂଆପଡ଼ା ଜିଲ୍ଲା ଗଡ଼ରପାଲି ସତାମ୍ବର ବାଘ । ଜବତ କପସିରପର ଅନୁଆମାନିକ ମୂଲ୍ୟ ୩ ଲକ୍ଷ ଟଙ୍କା ହେବ ବୋଲି ଜଣାପଡ଼ିଛି । ତେବେ ଏଥିରେ ଅନ୍ୟକାହାର ସମ୍ପୃକ୍ତି ନେଇ ତନାଘନା କରୁଛି ପୋଲିସ ।