ବଲାଙ୍ଗିର, (କେପିଏନ୍ଏସ୍) : ପିପି ଏକାଡ଼େମୀ ୧୯୮୨ ମ୍ୟାଟ୍ରିକ ବ୍ୟାଚ୍ର ବନ୍ଧୁମିଳନ ହୋଟେଲ ସ୍ୱୟଂରେ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ସ୍କୁଲ ପ୍ରତିଷ୍ଠାତା ସ୍ୱର୍ଗତ ଚକ୍ରଧର ପଣ୍ଡାଙ୍କ ସମେତ ସମସ୍ତ ଦିବଙ୍ଗତ ପୂର୍ବତନ ଶିକ୍ଷକ ଓ ଛାତ୍ର ବନ୍ଧୁଙ୍କ ସ୍ମୃତିଚାରଣ କରାଯାଇ ସେମାନଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରାଯାଇଥିଲା । ସ୍କୁଲରେ ଏବର୍ଷ ପାଳନ କରାଯାଉଥିବା ହୀରକ ଜୟନ୍ତୀ ଉତ୍ସବକୁ ସମସ୍ତ ପ୍ରକାର ସହଯୋଗ ଦେବା ପାଇଁ ସମସ୍ତ ପୁରାତନ ଛାତ୍ର ଆଗେଇ ଆସିବାକୁ ନିବେଦନ କରାଯାଇଥିଲା । ପୂର୍ବତନ ଛାତ୍ର ତଥା ସୁନାମଧନ୍ୟ ଗାୟକ ରଞ୍ଜିତ ମହାନ୍ତି, ଦିଲ୍ଲୀପ ଜାନୀ ଓ ସୁକାନ୍ତ ସେଠୀ ସଙ୍ଗୀତ ପରିବେଷଣ କରିଥିଲେ । ସ୍କୁଲର ହୀରକ ଜୟନ୍ତୀ ଅବସରରେ ୧୯୮୨ ମ୍ୟାଟ୍ରିକ୍ ବ୍ୟାଚ୍ର ଏକ ସ୍ମୃତି ନିର୍ଦ୍ଦେଶିକା ପ୍ରକାଶ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇଛି ।