ଦେଶର କରୋନା ସ୍ଥିତିକୁ ନେଇ ପ୍ରଧାନମନ୍ତ୍ରୀ ମୋଦୀ ଡାକିଛନ୍ତି ବୈଠକ, ଅପରାହ୍ନ ସାଢେ଼ ୪ଟାରେ ସମୀକ୍ଷା କରିବେ
ନୂଆଦିଲ୍ଲୀ : କରୋନା ଭାଇରସର ତୃତୀୟ ଲହରର ବିସ୍ତାର ଯୋଗୁଁ ଦେଶରେ କ୍ରମାଗତ ଭାବେ ବ୍ୟାପିବାରେ ଲାଗିଛି କରୋନା । ପ୍ରତିଦିନ ନୂଆ ମାମଲା ରେକର୍ଡ ସଂକ୍ରମଣ ସଂଖ୍ୟା ସାମ୍ନାକୁ ଆସୁଛି । ପ୍ରତିଦିନ ରେକର୍ଡ ହୋଇଥିବା ଆକଳନଗୁଡ଼ିକ ବର୍ତ୍ତମାନ ଦେଢ଼଼ ଲକ୍ଷରେ ପହଂଚିଛି । ଗତ ୨୪ଘଂଟା ମଧ୍ୟରେ ୧ଲକ୍ଷ ୪୨,୦୦୦ରୁ ଅଧିକ କରୋନା ମାମଲା ନିଶ୍ଚିତ ହୋଇଛି । ପୁଣି କରୋନା ସଂକ୍ରମଣରେ ପ୍ରାୟ୩୦୦ ଲୋକଙ୍କର ମୃତ୍ୟୁ ଘଟିଛି । କରୋନାର ନୂତନ ଭାରିଆଂଟ ପ୍ରାୟ ପ୍ରତ୍ୟେକ ରାଜ୍ୟକୁ ଛୁଇଁଛି । ଏପର୍ୟ୍ୟନ୍ତ ଓମିକ୍ରନ୍ ସଂକ୍ରମଣ ୨୭ରୁ ଅଧିକ ରାଜ୍ୟରେ ପଞ୍ଜିକୃତ ହୋଇଛି । ତେବେ ଏଭଳି ସ୍ଥିତିକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଏକ ବୈଠକ ଡାକିଥିବା ବେଳେ ସେ ଆଜି ଦେଶର କରୋନା ସ୍ଥିତି ଉପରେ ଅପରାହ୍ନ ସାଢେ଼ ୪ଟାରେ ସମୀକ୍ଷା କରିବେ ବୋଲି ସୂଚନା ମିଳିଛି ।