କସ୍ତୁରୀ ହଳଦୀରେ ଅଧିକ ମାତ୍ରାରେ ଆଣ୍ଟିସେପ୍ଟିକ୍, ଆଣ୍ଟି ବେକ୍ଟେରିଅଲ୍ ଏବଂ ଆଣ୍ଟି ଆକ୍ସିଡେଣ୍ଟ ଗୁଣ ବ୍ୟତୀତ ଏମିତି ଗୁଣ ବି ଦେଖିବା ମିଳେ ଯାହା ମୁହଁର ବ୍ରଣ ସମସ୍ୟା ସହ ଅନେକ ଦାଗ ଲିଭେଇବାରେ ସହାୟକ ହୋଇଥାଏ । ସୁନ୍ଦରତା ପାଇଁ ସବୁଠାରୁ ବେଶୀ ବ୍ୟବହୃତ ହେଉଥିବା ହଳଦୀ ହେଉଛି କସ୍ତୁରୀ ହଳଦୀ । କସ୍ତୁରୀ ହଳଦୀ ପ୍ରାଚୀନ ଆୟୁର୍ବେଦରେ ସୌନ୍ଦର୍ଯ୍ୟ ପାଇଁ ସବୁଠାରୁ ବେଶୀ ପ୍ରୟୋଗ କରାଯାଉଥିବା ସାମଗ୍ରୀମାନଙ୍କ ମଧ୍ୟରେ ଅନ୍ୟତମ । ଏହା ସତ ଯେ, ଖାଦ୍ୟରେ ବ୍ୟବହାର ହେଉଥିବା ହଳଦୀ ଏବଂ କସ୍ତୁରୀ ହଳଦୀ ଭିତରେ ଫରକ୍ ରହିଛି । କସ୍ତୁରୀ ହଳଦୀ ବହୁମାତ୍ରାରେ କଂଚା ହଳଦୀ ଭଳି ହିଁ ଦେଖାଯାଏ, କିନ୍ତୁ ଏହାର ବାହାର ଆବରଣ ଅଦା ଭଳି ହୋଇଥାଏ ଏବଂ ଭିତର ଅଂଶ ହାଲୁକା କିମ୍ବା ଗାଢ଼ ହଳଦୀ ରଙ୍ଗର ହୋଇଥାଏ । ଏହାର ସୁଗନ୍ଧ ଆପଣଙ୍କୁ କହିଦେବ ଏହାର ସ୍ୱତନ୍ତ୍ରତା ।