ତୁରେକେଲା, (କୈଳାସ ସଗ୍ରିଆ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ପଞ୍ଚାୟତ ସମିତି ସଭା ଗୃହରେ ଗତ ୨୨/୨ ଗୁରୁବାର ଦିନ ବିଭିନ୍ନ ଉନ୍ନତିମୂଳକ କାର୍ଯ୍ୟରେ ସମୀକ୍ଷା କଲେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା । ଏଥିରେ ସମ୍ମାନିତ ଅତିଥି ଭାବେ ନପ୍ସ୧୧ ଜୋନ୍ ଜିଲ୍ଲା ପରିଷଦ କୌଶିକ ମେହେର, ଗୋଷ୍ଠୀ ଉନ୍ନୟନ ଅଧିକାରୀ ଶଙ୍କର୍ଷଣ ବେହେରା, ଏପିଇଓ ଗୁପ୍ତେଶ୍ୱର ଛୁରିଆ ପ୍ରମୁଖ ଉପସ୍ଥିତ ଥିଲେ । ବ୍ଲକରେ ବିଧାୟକ ପାଣ୍ଠି ଏବଂ ଅନ୍ୟ ଯୋଜନାରୁ ଚାଳିଥିବା ଉନ୍ନୟନମୂଳକ କାର୍ଯ୍ୟଗୁଡ଼ିକର ସମୀକ୍ଷା କରିଥିଲେ । ଅନେକ ଗାଁରେ ଚାଳିଥିବା ପ୍ରକଳ୍ପ ଗୁଡିକର କାର୍ଯ୍ୟ କେତେ ଦୂର ଗଲା ଏବଂ କୌଣସି ସ୍ଥାନରେ କଣ ସମସ୍ୟା ରହିଛି ତାହା ଉପସ୍ଥିତ ଥିବା ଗ୍ରାମବାସୀ ଓ ଯନ୍ତ୍ରୀମାନଙ୍କ ସହ ଆଲୋଚନା କରିଥିଲେ । ଗ୍ରୀଷ୍ମର ପ୍ରଭାବ ପୁର୍ବରୁ ପିଇବା ପାଣି ପ୍ରକଳ୍ପ ଗୁଡିକ ଶୀଘ୍ର ସାରିଦେବାକୁ ନିର୍ଦ୍ଦେଶ ଦେଇଥିଲେ । ସେହିପରି ଅନେକ ଉନ୍ନତିମୂଳକ କାମକୁ ମଧ୍ୟ ନିର୍ବାଚନ ପୂର୍ବରୁ ସାରିବାକୁ କହିଥିଲେ । ଏହି ଅବସରରେ ରଜାମରା, ଘନାମହୁଲ, ମନ୍ଦାଳା, ବାଲଦାସ, ମାକଡଚୁଆଁ ଓ ବେହେରେନସିଲେଟ ଗାଁ ମାନଙ୍କରେ ଉନ୍ନତିମୁଳକ କାମ କରିବା ପାଇଁ ବିଧାୟକ ପାଣ୍ଠିରୁ ୯ଲକ୍ଷ ଟଙ୍କାର ୮ଟି ପ୍ରକଳ୍ପ ପାଇଁ କାର୍ଯ୍ୟାଦେଶ ମଧ୍ୟ ବଂଟନ କରିଥିଲେ ବିଧାୟକ ଶ୍ରୀ ସାଲୁଜା । ଅନ୍ୟମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ସାମଜ ସେବୀ କାର୍ତ୍ତିକ ପୁଟେଲ, କୁନା ଖାନ, ବିଦେଶୀ ବେହେରା, ହରିସିଂ ପୋଡ, ସୁନିଲ ବାରିକ, ସମିତି ସଭ୍ୟ ପ୍ରମୋଦ ମାହାପାତ୍ର ପ୍ରମୁଖ ଉପସ୍ଥିତ ରହିଥିଲେ ।