ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଯୁରାବନ୍ଧ ଗ୍ରାମରେ ଥିବା କପିଳେଶ୍ୱର ଯୁବକ ସଂଘ ଓ ସାଇ ଅନୁଷ୍ଠାନ ଖଡିଆଳ ଆନୁକୂଲ୍ୟରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଅବସରରେ ୪୯ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଏଥିରେ ଖଡିଆଳ ଉପଖଣ୍ଡ ଚିକିତ୍ସାଳୟର ଡାକ୍ତର ଅନ୍ନଦା ଶଙ୍କର ଦାସ, ସାଇର ନିର୍ଦେଶକ ଜିତେନ୍ଦ୍ର ନାଥ ପଟ୍ଟନାୟକ, କପିଳେଶ୍ୱର ଯୁବକ ସଂଘର ସଭାପତି ଲିଙ୍ଗରାଜ ପୋଡ, ନୂଆପଡା ଏଡିଏମଓ ଡା. ସୁଧିର ରଞ୍ଜନ ଦାସ ପ୍ରମୁଖ ଯୋଗ ଦେଇଥିଲେ । ନୂଆପଡା ବ୍ଲଡ ବ୍ୟାଙ୍କର କର୍ମଚାରୀ ମାନେ ରକ୍ତ ସଂଗ୍ରହ କରିଥିଲେ । ଏଥିରେ ସଂଘର ଡିଲେଶ୍ୱର ପୋଡ, ମାୟାଧର ପୋଡ, ଲୁକେଶ୍ୱର ପୋଡ, ଭାଗିରଥୀ ବଚ୍ଛା, ମିଥୁନ ପୋଡ, ସତ୍ୟା ଭାଟି, ମଦନ ପୁଟେଲ ଓ ଅନେକ ସ୍ୱେଚ୍ଛାସେବୀ ମାନେ ରକ୍ତଦାନ କରିଥିଲେ ।