ବଲାଙ୍ଗିର, (କେପିଏନ୍ଏସ୍) : ସେଞ୍ଚୁରିଅନ ବିଶ୍ୱବିଦ୍ୟାଳୟ ଜେଆଇଟିଏମ୍, ଦିଲ୍ଲୀ ପବ୍ଲିକ ସ୍କୁଲ ଓ ହେଲୋକିଡ୍ସ୍ ସ୍କୁଲର ମିଳିତ ଆନୁକୂଲ୍ୟରେ ସେଞ୍ଚୁରିଅନ ପରିସରରେ ମହିଳା ଦିବସ ପାଳିତ ହୋଇଯାଇଛି । ଅନୁଷ୍ଠାନର ଆଂଚଳିକ ନିର୍ଦ୍ଦେଶକ ପ୍ରଦୀପ ଷଡ଼ଙ୍ଗୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବଲାଙ୍ଗିର କନକ ନ୍ୟୁଜ୍ର ଜିଲ୍ଲା ପ୍ରତିନିଧି ଜ୍ୟୋତ୍ସ୍ନାରାଣୀ ଦାସ ଅତିଥି ଭାବରେ ଯୋଗଦାନ କରିଥିଲେ । କାର୍ଯ୍ୟକ୍ରମ ଆରମ୍ଭରେ ଅତିଥିଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ କରାଯାଇ ପ୍ରାରମ୍ଭିକ ସଂଗୀତ ଗାନ କରାଯାଇଥିଲା । ଛାତ୍ରୀ ରାମେଶ୍ୱରୀ ଶତପଥୀ, ଶୋଭାଂଗୀ ତ୍ରିପାଠୀ ଅତିଥି ପରିଚୟ ପ୍ରଦାନ କରିଥିଲେ । ଏହି ଅବସରରେ କବିତା ମୁଗ୍ରୀ, ସୁଷମା ମୁଣ୍ଡ, ସୁନନ୍ଦିନୀ ଗୁରୁ, ଅଙ୍କିତା ଶୁଭସ୍ମିତା ଗଡ଼ତ୍ୟା, ବୀଣାପାଣି ବାରିକ, ପ୍ରତିଭା ଶତପଥୀ, ସୀମା ମିଶ୍ର, ଶ୍ରାବଣୀ ମିଶ୍ର ମହିଳା ଦିବସ ବିଷୟରେ ବକ୍ତୃତା ପ୍ରଦାନ କରିଥିଲେ । ଯେଉଁ ମହିଳା ମାନେ ଘରୁ ବାହାରିବାକୁ ସୁଯୋଗ ପାଉ ନଥିଲେ ସେହି ମହିଳାମାନଙ୍କୁ କଲେଜ କାମରେ ନିୟୋଜିତ କରି ଶ୍ରୀ ଷଡ଼ଙ୍ଗୀ ଆତ୍ମନିର୍ଭରଶୀଳ ଓ ସ୍ୱାବଲମ୍ବୀ ହୋଇ ଚାଲିବାର ରାହା ଦେଇଛନ୍ତି । ସେହି ମହିଳାମାନଙ୍କୁ ଅତିଥିଙ୍କ ଦ୍ୱାରା ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ସୋମନାଥ ଷଡ଼ଙ୍ଗୀ, ପଦ୍ମନାଭ ମିଶ୍ର, ତମାଳ ଚର୍କବର୍ତ୍ତୀ, ଶୁଭ୍ରାଂଶୁ ଚୋପଦାର, ଅଭିଷେକ ମହାପାତ୍ର, ରାଜୀବ କୁମାର ନାୟକ ସହଯୋଗ କରିଥିଲେ ଓ ଶେଷରେ ପୁନିତ ମିଶ୍ର ଧନ୍ୟବାଦ ଅର୍ପଣ କରିଥିଲେ ।