ବୌଦ୍ଧ, (ବଂଶୀଧର ମାଝୀ) : କୋଭିଡ କଟକଣା ଯୋଗୁଁ ମନ୍ଦିର ମାନଙ୍କରେ କୌଣସି ଉତ୍ସବ ବା ବ୍ରତ ପାଳନ ହେଉନାହିଁ ତେଣୁ ମନ୍ଦିର ମାନଙ୍କର ପରିବେଶ ସେତେଟା ସ୍ବଚ୍ଛ ରହୁନାହିଁ । ଘଣ୍ଟାପଡା ଅଞ୍ଚଳର ମନ୍ଦିର ପରିବେଶକୁ ସ୍ବଚ୍ଛ ରଖିବା ପାଇଁ ସ୍ଥାନୀୟ ଅଞ୍ଚଳର କିଛି ଉତ୍ସାହୀ ଯୁବକ ନବବର୍ଷ ପ୍ରଥମ ଦିନରୁ ଉଦ୍ୟମ ଚଳାଇଛନ୍ତି । ଆଜି କଣ୍ଟାମାଳ ବ୍ଲକ ବନ୍ଧଗୋରା ଧବଳେଶ୍ବର ମନ୍ଦିର ଠାରେ ସାମାଜିକ କର୍ମୀ ବଂଶୀଧର ମାଝୀଙ୍କ ତତ୍ତ୍ବାବଧାନରେ ପରିବେଶ ସଫେଇ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି । ସମାଜସେବୀ ସୁଶାନ୍ତ ବାରିକ, ବଳରାମ ବାଗ, ପ୍ରଦୀପ ସାହୁ, ଆଜାଦ୍ କଲତା ପ୍ରମୁଖ ଯୋଗଦେଇ ମନ୍ଦିର ଚତୁପାର୍ଶ୍ବରେ ପଡି ରହିଥିବା ମଇଲା ଆବର୍ଜନା ସଫେଇ କରିଥିଲେ । ଏହି କାର୍ୟ୍ୟକୁ ଅଞ୍ଚଳବାସୀ ପ୍ରଶଂସା କରିଛନ୍ତି ।
