କଳାହାଣ୍ଡି, (ଶୁଭେନ୍ଦୁ କୁମାର ପଣ୍ଡା) : ସମସ୍ତଙ୍କ ପାଇଁ ଶିକ୍ଷା ଉଦ୍ଦେଶ୍ୟରେ ଆଜି ଭବାନୀପାଟଣାରେ ଗଣଦୌଡ ଅନୁଷ୍ଠିତ ହୋଇଯାଇଛି । ମା’ ମାଣିକେଶ୍ୱରୀ ବିଶ୍ୱ ବିଦ୍ୟାଳୟରୁ ଏହି ଗଣଦୌଡ ଅମଲା ଭବନ ଯାଏ ପ୍ରାୟ ତିନି କିଲୋମିଟର ହୋଇଥିଲା । ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦରୱାନ ମୁଖ୍ୟ ଅତିଥୀ ଭାବେ ଯୋଗଦେଇ ପତାକା ପ୍ରଦର୍ଶନ କରି ଶୁଭାରମ୍ଭ କରିଥିଲେ । ବିଭିନ୍ନ ଵିଦ୍ୟାଳୟର ୨୦୦ରୁ ଅଧିକ ଛାତ୍ର ଏହି ଗଣଦୌଡରେ ଭାଗ ନେଇଥିଲେ । ବିଶ୍ୱ ବିଦ୍ୟାଳୟ କୁଳପତି ପିତାମ୍ବର ଭୋଇ, ଯୋଜନା ନିର୍ଦ୍ଦେଶକ ଶ୍ରୀକାନ୍ତ ଦଳେଇ, ବାଲ ଗୋପାଲ ସେବା ନିକେତନ ସମ୍ପାଦକ ହେମନ୍ତ କୁମାର ମୁଣ୍ଡ, କିସ୍ ଉପ କାର୍ଯ୍ୟ ନିର୍ବାହୀ ଦୁଷ୍ମନ୍ତ ପଧାନ ପ୍ରମୁଖ ଯୋଗ ଦେଇଥିଲେ ।