କେନ୍ଦୁଝର : କେନ୍ଦୁଝର ବନଖଣ୍ଡ ଭୂୟାଁ ଜୁଆଙ୍ଗ ପିଢ଼ ରେଞ୍ଜ ଅନ୍ତର୍ଗତ କୁଶକଳା ପଞ୍ଚାୟତର ରବ ଗାଁ ନିକଟରେ ଦୁଇ ହାତୀର ମୃତଦେହ ଠାବ କରାଯାଇଛି ବୋଲି ଖବର ମିଳିଛି । ସୂଚନା ଯୋଗ୍ୟ ଯେ, କେନ୍ଦୁଝର ବନଖଣ୍ଡ ଭୂୟାଁ ଜୁଆଙ୍ଗ ପିଢ଼ ରେଞ୍ଜ ଅନ୍ତର୍ଗତ କୁଶକଳା ପଞ୍ଚାୟତର ରବ ଗାଁ ନିକଟକୁ ଗତକାଲି ରାତ୍ରିରେ ଖାଦ୍ୟ ଅନୁସନ୍ଧାନରେ ପଲେ ହାତୀ ଆସିଥିଲେ । ହେଲେ ଆଜି ସକାଳେ ଗୋଟିଏ ବଡ଼ ମାଈ ହାତୀ ଓ ଏକ ଛୋଟ ହାତୀର ମୃତ ଦେହ ପଡିଥିବା ଦେଖି ଗ୍ରାମବାସୀ ମାନେ ଖବର ଦେଇଥିଲେ ବନ ବିଭାଗକୁ । ଘଟଣା ସ୍ଥଳକୁ କେନ୍ଦୁଝର ଡିଏଫଓ ସ୍ୱୟଂମ ମଲ୍ଲିକଙ୍କ ସମେତ ବରିଷ୍ଠ ବନ ଅଧିକାରୀ, ପ୍ରାଣୀ ଚିକିତ୍ସା ଅଧିକାରୀ ପହଞ୍ଚିଥିଲେ । ତେବେ ହାତୀର ମୃତ୍ୟୁର ପ୍ରକୃତ କାରଣ ଜଣା ପଡ଼ିନଥିବା ବେଳେ ହାତୀ ମୃତ୍ୟୁ ସମ୍ପର୍କରେ ତଦନ୍ତ ଜାରି ରଖିଛି ବନ ବିଭାଗ ।