କମଲପୁର : କଳାହାଣ୍ଡି ଜିଲ୍ଲା କମଲପୁର ବ୍ଲକ ଅର୍ନ୍ତଗତ ଦେପୁର ଦେବଗିରି ଓ ସିଙ୍ଗାରୀ ଜଙ୍ଗଲରେ ବାଘ ଆତଙ୍କ ଦେଖାଦେଇଛି । ଗତକାଲି ଦେପୁର ଗ୍ରାମର ଡମ୍ବରୁଧର ମାଝୀ ଦେବଗିରି ଜଙ୍ଗଲକୁ ଜାଳେଣି ପାଇଁ ଯାଇଥିବା ବେଳେ ଏକ ବାଉଁଶ ବୁଦା ନିକଟରେ ୨ଟି ବାଘ ଦେଖି ସେ ଭୟରେ ପଳାଇ ଆସିଥିଲେ । ଆସିବା ସମୟରେ ତାଙ୍କ ଗୋଡରେ ଏକ ପଥର ବାଜି ଯିବାରୁ ସେ ଆହତ ହୋଇଥିଲେ । ପରେ ଏହି ଖବର ଗ୍ରାମବାସୀଙ୍କୁ ଜଣାଇଥିଲେ । ଏହି ଖବର ଜଣାପଡିବା ପରେ ପାହାଡ ପାଦ ଦେଶରେ ଥିବା ଗ୍ରାମର ଲୋକେ ଭୟଭୀତ ହୋଇ ପଡିଛନ୍ତି । ମାସେ ତଳେ ମଧ୍ୟ କିଛି ଲୋକ ଜଙ୍ଗଲରେ ବାଘ ବୁଲୁଥିବା ଦେଖିଥିଲେ ।